[A:254] grwa gsar 'ga' dang chabs cig zhang ston 'dul chog gi steng nas dge bsnyen rab byung dge tshul sogs lyi sdom lung nod skabs mtshan ngag dbang rig pa mchog gi rnam par rgyal ba'i zhes gsol | 'di skor zhig nas rje dge slong rin po che nyid kyis dag zhing gzigs rjes tsam na 'dzi stod 'brim shar ri khrod du skyabs rje mkhar ba rdo rje 'chang ngag dbang bsam gtan dpal bzang po bzhugs pa'i sku tshe smad kyi cha dgung grangs gyi lnga bzhes skabs su rje gang gi mdun du | sprul pa'i sku skyes grwa 'khor 'ga' bcas phrbs nas nyid kyis sbyor ba yan lag drug gi zab khrid dbang lung bcas yongs su rdzogs rim pas zhus te nyams len gsan mdzad | sbyor drug khong gis zhu dus su bla mas btags pa'i mtshan ngag dbang 'lam dpal mthu stobs rnam rgyal yin nam snyam | de rjes lo gnyis tsam nas skyabs rje mkhar ba rin po che'i gzugs sku chos dbyings su bsdus rjes su gtsang pa'i rdo rje slob dpon ngag dbang chos kyi 'phags pa'i sku mdun du | sprul pa'i sku nyid kyis 'dus pa mang tsam dang mnyam du kun mkhyen dol po'i bka' pod drug rnam thar bcas dang rje btsun tAranAtha'i gsung 'bum yongs su rdzogs pa'i bklag lung ma lus pa gsan la | yang de phyis tsam na rje bla ma chos 'phags pa'i sku drung nas | nyid kyis grwa sde shin tu mang po dang lhan cig dpal dus kyi 'khor lo'i dbang mo che | bde gsang 'jigs gsum sogs rje btsun gyi bka' 'bum las byung ba'i rgyud sde bzhi'i dkyil 'khor rnams kyi dbang bka' yongs rdzogs | phur pa sa lugs kyi dbang bskur cha lag bcas sogs chos bka' mang po zhig legs nod mdzad |
de nas yang mi ring ba na rje bla ma mchog de nyid gtsang pa'i rdo rje slob dpon yin skabs yar thang rgya bla ma dang lha tshe gcod pa gnyis kyis rkyen sbyar la brten nas gtsang pa'i grwa tshang 'du khang steng du sbyor drug sgrub grwa legs 'dzugs skabs kyi sgrub sde pa thog ma'i gral du sprul sku 'di nyid kyis rnal 'byor yan lag drug nyams bzhes skabs rje chos kyi 'phags pa gtsor gyur skyes chen du ma'i drung nas chos bka' ci dgos zhus nas sgrub pa lhur bzhes la nan tan dang rje dam pa gang dag la nyams len 'dri gtugs zhib tig sogs kyis zab chos sgom sgrub lo gsum du byas pas nang rtogs kyi 'phel kha sngar las ches cher 'phel ba byung zhing | de mtshams re zhig nas rje chos 'phags sku gshegs te rgyal tshab lha ba bla ma kun dga' dpal ldan zhabs pas gtsang pa'i gzims khang du rdo rje slob dpon mdzad skabs su slob dpon de nyid kyi drung nas kyang sprul pa'i sku gang gis gsang chen rdo rje theg pa'i chos sgo gtso bor gyur pa'i zab mo'i chos kyi bka' rgya che ba yang yang zhus nas de lugs kyi nyams bzhes gnad smin ci rigs pa re'ang mdzad pa'o | |
de lta bu'i zab chos nyan bsam gyi mdzad pa sgo gang thad la mi dman pa'i ngang nas sprul pa'i sku