[A:255] nyid gtsang chen sgar gyi dbang cha 'dzin bdag tu gyur te sku zhang dge 'phel dang sku dbon rig sogs grwa 'khor drag bsdus mang zhing rlabs che ba 'dzi ka'i grwa tshang mang phyogs kyi klad kun gyi gtsug nor du gyur sprul pa'i sku gang nyid la sngon gyi las shugs bka' tha tshig dam po'i dbang gis ched du ma bsgrubs kyang khyab 'jug rAhula bka' yi bsrung ma'i tshul du bran bzhin bkol ba khong nyid yi dam la mnga' brnyes shing rtogs pa'i nang bcud rgyas pas nam mkho ba'i tshe 'phrin las nyer bskul bka' tha tshig bsgrag tsam gyis pha rol gang la'ang rtags mtshan rno myur dus su thon nus phyir mgo log a skyong dpon sogs phyogs kyi sde dpon dbang che ba du mas rje gtsang pa la gus 'dud che ba bcas kyis bar bar skyes 'bul dang bstan pa'i sbyin bdag zhabs 'degs ci dgos thams cad nges par sgrub pa sogs mdzad sgo gang thad nas zla dang bral zhing khong nyid lugs gnyis gang thad la thugs dpyod rab tu yangs pa 'dus pa grwa tshang spyi dang lha 'bangs mi sde bcas kun la skyong lugs kyi thabs nye bar mkhas pa zhig ste | mtshams shig nas khong dpon slob sgar gzhi cha tshang his bod ljongs chos kyi gnas yul lha ldan sprul pa'i gtsug lag khang jo shAka rnam gsum dang rang gi ma dgon jo nang rtag brtan rnams su legs phebs kyis gnas mjal phyag mchod thugs smon gzab ldan bcas kyis rang yul du pheb kar jo nang nas rje btsun rin po che'i gsung 'bum cha tshang gi glegs bam gang dag blus te sprul sku 'dis rang yul gtsang chen pho brang du spyan drangs par mdzad la 'di skor ci rigs su rje sprul pa'i sku gang gis phyis su rdor slob kyi go sarbzhugs pa khyi lo ma'i bla ma ngag dbang chos 'byor zhabs pa sogs bla 'dus pa ches mang po la dpal dus kyi 'khor lo'i dbang mo che sta gon | byis 'jug | mchog dbang | mchog dbang khyad par can | bdag po bdag chen bcas dang | thams cad rig pa'i dbang sta gon dang dngos gzhi gnyis | bde mchog lha lnga | mi 'khrugs pa | 'jigs byed ro langs brgyad bskor gsum la sta gon dang dngos gzhi gnyis re | gzhan yang rdzes gnang sna tshogs pa 'ga' re bcas legs par gsungs shing | de rjes gnas skabs ci rigs su sprul sku nyid kyis 'dus pa mang 'tshogs la ngan song sbyong ba'i rgyud las bstan pa'i dkyil 'khor bcu gnyis kyi dbang bskur rgyas pa cha tshang gnas ba dang | gtsang grwa'i lo bstan gyi sa zla'i dus 'khor sgrub mchod kyi dus skabs rnams su dge 'dun mang du 'phel ba'i rten 'brel du dgongs te slar nang du 'dus nas gsung bsgrag byed rtsol de dam pa 'dis mdzad par grag pa sogs gdul bya rjes 'dzin gyi mdzad sgo de 'dra mang tshod du 'dug kyang ji bzhin gyi khungs ma rnyed la | spyir ni lha lugs dang mi lugs gnyis thad la thams cad kyi yid kun mthun zhig gang nas 'ong thabs dka' bas dus skabs 'dir yang sprul pa'i sku 'di nyid kyi sgrub grwar mtshams sgrub mdzad rjes tsam na gtsang pa 'gab ma'i dbon rig rtsal gyis 'khu ldog gis khong nyid gtsang paNDita'i phyogs su 'phral phebs mdzad