[A:270] dga' ngag gi dbang po bzhugs pa'i mdun du gtsang pa sprul pa'i sku 'di nyid yang yang phebs pa'i sgo nas phan tshun bka' mol mdzad de thugs kyi nyams len la rtsal sbyangs dus dus su zhib par thugs nyams legs spel dang gol da gcod pa sogs mdzad sgo mtha' dag la khong gis 'dris yun btang bas rtogs pa sngar las 'phel ngos nas rtsa rlung thig le la'ang brtan pa de tsam zhig byung ba dang | 'di skor nam yin rung byon 'dug gang gi skabs thams cad nyid kyis dus babs kyi las don ci dgos mdzad pa ma gtogs rang dgar long skabs gang yod dus thun bzhi'i mtshams bsnyen mi bcad par sgrub pa la rgyun du brtson pa nam yang mi lhod pa'i ngang nas legs bzhugs mdzad cing bar skabs khong grwa slob bcas mgo log phyogs su gdul byar phebs pa'i dus su nyin cig khong rnams kyi steng du pha bong zhig 'gril 'ong ba sprul skus phyag gtod tsam gyis rbab rdo'i gnod pa bzlog par mdzad pa sogs kyi mthu nus bcas dgung lo so stod skor tsam rang gnas su bzhugs skabs sa dmar dgon gyi rdo rje slob dpon kun dga' snyan grags dag zhing du phebs khong grwa 'khor bcas der byon nas dgos mchod kyi dus su khong gis thugs snang ngang bla ma'i byin rlabs 'bebs pa'i mtshan ma dang bcas de 'phral du 'dzi nyin phyogs kyi rgyal gdon ma dga' bas 'tshe ngo shar ba dbang chen heruka'i nga rgyal gyis tshar bcad nas ring du bskrad de thugs smon rnam dag gi mthar nyid grwa 'khor bcas tshur rang gnas 'dzam thang du phebs lam rgyal gdon des 'khu ldog gis khong nyid chibs rta las 'khral du lhung bar byed skabs su skad cig la sngon gling rje khro tung gis a bra'i ril mar sprul nas gnod byed kyi 'tshe ba las thar pa ltar 'dir yang nyid kyis sprul bsgyur de ltar mdzad pas gnod par rtsom pa'i 'dre bgegs kyis glags ma rnyed cing 'tshe bas bar chad las legs rgyal thob la | 'di yan zhig la khong dpon slob rdo'i grub chen dgon la phebs te skye sgang rta mgrin gyi sgrub pa dang | sprul sku pad ma rdo rje dang bla sprul yongs rdzogs la skye sgang rta mgrin gyi dbang lung bcas gnang ba'i bka' drin mdzad |
dgung lo bzhi bcu skor khong gi thugs snang ngor 'dzam thang gi pha ki ri ngor glo bur du sho rgal rgygs pas yul khams 'dir skad cig la gang song yang de 'phral yun mi ring bar zhi 'jags bde skabs su gyur te gzhi der me tog gis khyab pa'i mtshan ma byung ba sogs de 'dra 'ga' re'i sngon rtags dus su byung ba rnams rang gzhan gang thad nas ji bzhin ma dpyod pas dus kyi dmar dmag rgyang bskyod kyis 'tshe ba la gtsang pa se sprul gyi thugs brtag ji bzhin ma khel ba'i dma' 'bebs kyi gleng mo phal 'gas de dus su cher sgrog byed pa byung zhing | me bya'i lor dus kyi dmar dmag rgyang bskyod kyis zing cha byung bas ngag dbang tshogs gnyis rgya mtsho dang mnyam du mgo log tu phebs te gtsang paN chen sku phreng dgu pa dang mjal te tho yig gi bka' shog kyang gnang |