[A:279] 'dug | de dag las da lan phan ma thogs pa rgan mo gnyis tsam las med pas de gnyis kyi ched du 'dod yon bsur bsngo rgyas pa zhig byed dgos gsungs pa ltar legs par byas shing | rang shi dus dbang yod na 'byung ba khad 'jam po zhig phab 'dod yod tshul dang | shi zin nas de ma thag rim pas sems gzhi dbyings dang ro mnyam yin pas thugs dam logs kyi 'dug rgyu med tshul kyang gsung | de nas khong gis chos skyong la gtang rag gi tshul du gsol kha rgyas pa zhig mdzad nas ye shes kyi chos skyong gang dag dang dgongs klong dbyer med kyi mdzad sgo dang 'jig rten pa'i sde rigs gang dag gshegs gsol mtha' rgyas kyang mdzad | de skabs su gtso cher sku drang por bsrang nas thugs mnyam bzhag gi rnam pa'i g.yo med du bzhugs shing bar 'ga' rer zhal nas | phyis 'byung gi gsung gleng phran bu re gsung bzhin de lugs kyi phyag yig re yang bzhag mtshams nas khong nyid kyis gsung ngag bcad de gang zhus kyi lan du brda tsam re mdzad kyin bzhugs | de 'dra'i tshul gyis nyin zhag lnga pa zla ba de'i tshes nyer gnyis kyi mun rub tsam na sku rnam snang chos bdun gyis bzhugs bzhin gsung gis phaT sgra zhig mdzad pa dang chabs cig dgongs pa dbyings su thim |
de'i phyi nyin nas gdung chos srol bstun gyi sgo nas bla grwa mang 'tshogs kyis dgongs mchod zhag bdun phrag tu bsgrubs nas de dag gi skabs rnams su 'byung ba khad snyoms shing mkha' la 'ja' sprin sna tshogs bar bar byung zhing | sku gdung la dri bzang gi ngad kyang yang yang byung la | de nas gdung la zhugs 'bul gyi skabs nub phyogs nas sprin dkar po dar dkar brkyang 'dra zhig dang bya rgod cig 'phral du thon nas sprin dkar de nyid mar babs pa'i tshul gyis gdung dud dang 'dres tsam nyid nas yar nam mkha' la 'phags te g.yas bskor gyi rnam pas 'dzam thang phyogs kyi steng gi nam mkhar shar bsdad cing de dang mnyam du nam mkha' g.ya' dag la 'ja' zer sna tshogs pas gang ba tsam byung zhing 'byung ba'i khad kyang ches legs pa sogs kyi rtags mtshan dang gdung khang zhag bdun phrag gsum du bla grwa mang dag gis phyag mchod kyi mthar gdung rus bsdu skabs thugs ljags spyan gsum ma tshig pa dang dri bzang byung ba sogs kyi legs mtshan dus su byung ste shul 'dug dag gis tshul de lugs kyis dgongs mchod gzhan yang legs bgyis dang gdung rten dngul las byang chub mchod rten nye bar bskrun pa rab gnas dga' ston gtsang grwa yongs kyis legs mdzad kyi sgo nas gdung rten de nyid gtsang chen pho brang du bzhugs su gsol te mdzad pa legs par rdzogs so | | de yan chad kyis 'dzam thang gtsang chen gong ma'i pho brang gi gdan sa ba dang sgrub brgyud 'dzin pa'i slob dpon ji ltar byung rim dag legs par bshad zin to | |