[A:300] stobs kyis yun ring du g.yo 'gul med par bzhugs pa de mthong 'ga' re'i yid dad gus 'phel bar byed cing gson la 'pho 'debs kyi sbyor bas rgad po zhig zhag bdun bar dag zhing bde chen gyi snang ba 'ba' zhig tu gyur byas skad |
dgung lo zhe brgyad du sbyor drug pa bla ma karma nor bu sogs dang | khong nyid bud khang dgon lung du thugs dam la bzhugs skabs gnas bdag dkar phyogs pas sbrul gzugs kyi rnam pas sku la legs par dkris bzhin gus 'dud 'bul ba dang | nag phyogs btsan rigs shig gis skya mi mda' gzhu can du sprul te 'tshubs long gi rnam pas 'tshe bar rlom yang chos skyong nag po chen po'i rnam 'phrul gyis bsrung ma'i kha 'dzin mdzad pas gnod ma nus la | de nas rnga yul du byon nas 'brog dge yon tan rgya mtsho'i drung du rab byung dang dge tshul gyi sdom pa zhus so | |
dgung lo zhe dgu par sbyor drug pa khang dmar du dbon bsod nams bstan 'dzin sogs dang | tshes bcu stod du dbon dkon mchog dpal sogs yin | de skabs shig tu khong nyid tshes bcu stod du mtshams grwa ba la bar chad gzhom phyir bzhugs pa'i dus thugs dmigs cung tsam gyis 'dzam thang sgar khag gsum gyi dkor bdag thams cad dbang du bsdus te dkor bdag de kun gyis gus pas bkur te mtshams pa de dag la bar chad de phan nas rang zhir song | lo der dbon pad ma dpal la mi 'khrugs pa'i dbang bskur zhing | sribs lung ri khrod du mtshams khang spyil bu gnas phan tshun du spor dgos byung dus srog chags grog sbur ches mang ba la khong gis gzungs sngags dang bsngo smon byas pas dar cig tsam na grog ma che ba gcig gis sna khrid bzhin grog ma der gnas mtha' dag rang rang gi phru gu rnams khar bzung nas gcig kyang ma lus par bud song zhing 'bul srin gzhan yang de ka bzhin gcig kyang med nges su gyur skad |
dgung lo bcu'i dus su sbyor drug pa rten khang du bla ma kun grol sogs dang | 'du khang du sku dbon 'gyur med rgya mtsho sogs so | | 'di skabs khong gi thugs nyams arge mchog sprul lta bu zhig gis gting ba bting nas bsnyen rdzogs kyi sdom rgyun spel cig ces pa'i bka' phebs thugs snang la byung bar brten rnga yul du byon nas kun dga' yon tan rgya mtshos mkhan slob sbrags ma mdzad | rme'u grong mang bla ma chos bzang bas gsang ston par byas nas dge 'dun grangs tshang gi mdun nas bsnyen par rdzogs te | mtshan kun dga' nges don bstan pa'i rgyal mtshan du gsol | de nas bzung bcas mtshams legs bsrung gis sku tshe 'da' bas nyid kyi sku lus na bza' sogs la tshul khrims kyi dri bsung bro ba kun gyi mthun snang du gyur mkhan de'i drung du gzhan yang thams cad rig pa'i bdag bskyed kyi khrid | 'jigs byed snyan brgyud sgrub pa sgrub chen bcas kyi khrid | grol mchog khrid brgya | 'jigs byed rtogs