[A:306] mkhar ba rin po che'i thugs sras mchog gyur sbangs pa bla ma rje kun dga' nges don zhabs pa gang nyid kyis rang don legs grub kyi gsang chen mngon rtogs rgya che bas thugs mtshor mngon par gtams nas gzhan gdul bya rjes 'dzin gyi dus la babs te rje khong nyid 'dzam thang sgar gong mas nges don sgrub brgyud 'dzin skyong legs spel gyi byed po gsang chen theg pa'i rdo rje slob dpon chen por bsko bzhag gi sgo nas 'dzam thang chos rje'i khang dmar rten khang gtso bor gyur pa'i chos rje'i grwa tshang gi 'du khang steng dang | tshes bcu stod sgar gyi pho brang sogs su rang lugs dus kyi 'khor lo'i bskyed rdzogs sogs gsang chen rnal 'byor dam pa'i nyams len sgrub brgyud rang rkang btsugs te rje rdo rje 'chang gang gis gzhan don gyi mgo bzung nas sku tshe mthar phyin gyi bar mdzad sgo rgya che bas gang 'dul gyi gdul bya rjes su bzung bzhin nges don sgrub pa'i bstan pa legs bskyang gi tshul gong du nye bar smos zin pa ltar lags shing rje khong gi thugs slob bstan pa la phan thogs pa'i bshes gnyen du ma byung ba las 'dir 'dzam thang sgar khag gong ma dag gi dus phyis sgrub brgyud bstan la byas rjes che tsam 'jog mdzad kyi dam pa 'ga'i lo rgyus da lan dkyus kyi brjod bya dus su babs pa ste |
rab 'byams pa blo bzang mchog grub rgya mtsho|
2. de yang sbyangs pa rdo rje 'chang gang gi thugs sras rgyal rong phyogs kyi dza 'go'i dgon chags 'debs mdzad mkhan 'bras rab 'byams pa blo bzang mchog grub rgya mtsho dang | 'dzam thang chos rje'i khang dmar rten khang dang pha ri'i thang gi sgrub grwa sogs chos khrid kyis legs skyong mdzad pa'i skyes chen rdo rje 'dzin pa snga phyi du ma zhig rim pas byon pa de dag gi lo rgyus rnam thar sa bon tsam brjod par bya la'ang | thog mar blo bzang mchog grub pa sku na chung ba'i dus kyi mtshan la mchog dga' zhes zer zhing de dus nas kyang chos la spro zhing rnam dpyod kyi sgo nas gzhan phal ba rnams las ches mchog tu bkra zhing rgyas pa zhig ste mtshams shig la 'dzam thang du rdzogs chen dpal sprul rin po che 'jigs med chos kyi dbang po chags phebs nas khong gis 'dus pa mang por byang chub sems dpa'i spyod pa la 'jug pa'i gzhung khrid tshogs bshad gnang ba'i skabs su rje dpal sprul gang gis der gnas chos nyan pa'i dam pa mang po la spyod 'jug yi ge re gnang sbyin mdzad cing | der chos nyan la grwa chung mchog dga' yod pa la khong dang rta sher zer ba'i ban rgan gnyis la thun mong du spyod 'jug dpe yig cig gnang ba re zhig nas ban rgan gyis bdag gir byas te kho rang gis khyer songs rkyen grwa chung mchog dga' dpal sprul gyi sku mdun du 'ong ste dpal sprul la grwa chung des zhu ba phul ba | khyed kyis gnang ba'i dpe yig de grogs kyis khyer song bas da lan rang la yi ge 'dra zhig gnang na nyams len byed nges lags zhus pas | rje dpal sprul nyid kyis spyan cer re grwa chung de la gzigs bzhin zhal nas | khyod kyi ming la ci gsungs | grwa chung