[A:308] bka' dang blang gis zhal bzhes legs mdzad kyi sgo nas rdo rje slob dpon gyi 'gan dbang nyer bzhes dang khri 'don bsko bzhag bcas kyis thog mar sbyor drug gi chos tshan pa dge bzshes khong nyid dang gzhan slob 'ga' bcas kyis rdo rje 'chang kun dga' nges don zhabs pa spyi bos bla mar bkur ba'i sgo nas rang lugs zab lam rdo rje'i rnal 'byor sbyor ba yan lag drug gi dbang lung man ngag cha lag bcas yongs su rdzogs pa legs nod kyis zab don gdams pa ji bzhin khong gis nyams su blangs pas lam rang rang gi nyams dang rtogs pa khyad par ba sgo kun nas thugs nyams su legs par 'khrungs shing | de 'dra'i tshul gyis sgon byon dam pa gong ma'i phyag bzhes bzhin khong gis sbyor drug cha tshang nyams len gnad khel mdzad | de phan lo shas ring klad sbyangs pa rdo rje 'chang gis slob tshogs la dbang lung man ngag gnang rjes su dge bshes nyid kyis slob tshogs de dag la nyer mkho'i chos khrid mthong ba don ldan | lhan thabs 'od brgya 'bar ba | lam rim bdud rtsi'i nyid khu sogs chos bka' ci dgos thams cad lo bstar bzhin mdzad de khong nyid rdo rje slob dpon gnyis pa lta bur khang dmar rten khang de nyid du legs par bzhugs shing | gong nas khang dmar du khong nyid bzhugs te slob tshogs snga phyi ci rigs dag la chos khrid gang mkho dus dus su legs gnang gi skabs thams cad du nyid la khang dmar dge bshes zhes grags pa kun nas che ba tsam du gyur |
de mtshams skor zhig nas sbyangs pa rin po che dang dge bshes khong rnam gnyis kyis bka' mol thugs mthun bcas 'gam nang bla ma 'jam spal rgya mtsho khang dmar rten khang du rdo rje slob dpon mchog tu bsko bzhag kyang mdzad | de nas re zhig gi tshe dge bshes nyid kyis 'du 'dzi'i g.yeng rkyen chung zhing dge sbyor rang shugs kyis 'phel ba'i dben gnas shig tu byon 'dod nges par che bas sbyangs pa bla ma skyabs mgon mchog la de lugs kyi zhu bas bka' gnang lon nas sge bshes khong nyid tsha rong stod kyi cha dza 'go zer ba'i gnas der byon nas sa cha der khong gis ri khrod btab nas ring zhig tu thos bsam sgom gsum gyis dus 'da' bar mdzad pa na khong gi mtshan snyan gyi grags pa rim pas je rgyas su song gsis slob tshogs chos zhu mkhan yang snga phyi kun tu ches mang tsam 'du ba'i ngos nas khong gis de dag la chos khrid ci dgos kyis re ba skong bzhin snga phyi kun la rje 'di nyid kyis rgyal ba'i dgongs 'grel spyi dang khyad par nges don jo nang pa'i rang lugs kyi gsal brjod gsung rtsom gnang rim | phyi nang grub mtha'i rnam bshad | mngon pa mdzod kyi 'grel ba | gser 'phreng sa bcas rten 'brel rnam bshad | phung po lnga'i rnam bshad | dbu ma theg mchog Tika zin gyi mjug le'u gcig gi 'grel ba | rgyu 'bras dbu ma'i thig le'i 'grel ba sogs khyon sdom yongs la glegs bam bcu tsam gyi gsung chos yod skad |
spyir khong nyid der bzhugs skabs gdul bya rjes bzung gi mdzad sgo nges don sgrub brgyud kyi sde