[A:314] bcas legs grub kyang mdzad | de mtshams shig nas glang po che'i ri khrod du dbon rin chen dpal gyi khang 'og tu sgrub khang chung ba zhig nyid kyis byas pa der bla ma dam pa chos dbang dang lhan du khong yang lo 'gar bzhugs nas nyid kyis bsnyen sgrub ci rigs pas mtshams re dang bcas rje dbon dam pa 'gyur med rgya mtsho'i drung nas | phung lnga'i rnam bshad | lam rim sogs la thos bsam gyis bslab sbyang ci rigs pa dang bcas bzhin bzhugs |
dgung lo nyer drug par 'dzam thang pha ri'i sgrub khang du lo gcig la nyid nas rnal 'byor mchog la slar nyams len gnad khel bgyis shing | tshul de lugs kyis rang don legs sgrub la lo kha shas kyi ring tsam du nye bar gzhol ba'i re zhig nyid dgung grangs sum cu so bzhi'i steng lcags phag gi lo tsam na rdo rje slob dpon gong ma kun dga' dpal 'phel zhabs sku dag zhing du phebs kar dam pa gang gis rdo rje'i rnal 'byor gyi khrid yig mthong ba don ldan thabs shes rtags mchog dar dkar bzang po'i lha rdzas kyi skyes gnang bcas dam pa 'di nyid la khang dmar rdo rje slob dpon dgos tshul gyi bka' phebs ji skad byung ba ltar gyis rgyal tshab tu bsko bzhag byas pas de la thugs khur nan che'i ngang de nub khong gi tho rengs rmi nyams su skyabs mgon sbyangs pa rin po che'i sku rtsar gyur pa'i mi zhig gi rnam pa 'ong nas de na re | khyod khang dmar du sdod dang bdag gis khyod bsrung ba'i ra ba nges par brtsigs pa yin zhes | de lugs ltar gyi bsrung rwa legs brtsigs kyi rmi nyams gsal po dus su byung ba'i legs ltas dang bcas lo de nas bzung dam pa 'dis khang dmar du rdo rje slob dpon mdzad de snga phyi yongs bsdom lo bcu drug gi ring du dpon slob kun la nyer 'tshe'i gnod pa bral bzhin bde skabs su gnas pa'i sgo nas rang re'i chos brgyud legs spel gyi rim pa'ang thog mar khong nyid rten khang der slob dpon du bzhugs ma thag gi skor nas nyid kyang bar bar du glang po che'i ri khrod du rje dbon mchog 'gyur med rgya mtsho bzhugs pa'i drung du yang yang phebs nas de'i mdun nas nyid kyis khrid yig mthong ba don ldan lhan thabs bcas dang | bskyed rim sna tshogs pa'i dmigs khrid sogs la zhib rtog nan tan kyang mdzad | lo de'i ston khar chos rje'i grwa tshang gis zhus ngor rdo rje 'chang sku dbon 'gyur med rgya mtsho gang nyid kyis | dkyil chog rdo rje 'phreng ba yongs rdzogs kyi dbang bskur gnang skabs su'ang dam pa nyid kyis mtha' dag legs par gsan zhing | de'i dgung smad du dam pa khong chos rje'i sgar khog gi sku rim la byon dgos byung skabs de la nyer mkho'i ched glang po'i ri khrod kyi rje dbon dam pa'i sku drung nas nyid kyis nag po chen po'i las tshogs bskang mdos kyi cho ga'i dmogs khrid gang dgos dag kyang legs par zhus nas sku rim sgrub pa'i dbu blar phebs te lo de'i sku rim yang legs rab byung | spyir dam pa 'di khang dmar du bzhugs skabs su nyid kyis sngar ma song ba'i bsnyen sgrub bar bar mdzad pa sogs thugs dam gtso bor