[A:323] gcig | chos skyong cha tshang sogs legs grub kyi sgo nas rab gnas dga' ston mtha' rgyas kyi skabs mkha' la 'ja' sprin ngo mtshar ba sogs kyi legs mtshan dus su byung la | spyir dam pa 'di nyid la nyams dang rmi lam gyi skabs rnams su skyabs mgon sbyangs pa rdo rje 'chang gi zhal gzigs dus rtag par yod tshul khong gi gsung zur las legs thon mdzad pa ltar ro | |
dgung lo zhe bdun chu sprel lor sbyor drug pa | bla ma rin chen rdo rje | ye shes rgya mtsho sogs lnga | 'di lo'i nag zlar khong nyid chos rje'i grwa tshang gi 'du bde mchog nag po'i zhabs lugs kyi sgrub mchod 'tshogs pa'i khri 'dzin du phebs nas sta gon dngos gzhi yongs su rdzogs pa'i bar bzhugs | dmar pa gang gis slob tshogs bskyang tshul gzhan las khyad par ba ches nyam thag pa'i dbang po ma tshang ba dmus long dang dbul po 'byor med mgon skyabs dang bral ba gang dag thugs brtse ba chen pos rjes su bzung ste thabs sna tshogs pa'i mdzad pa la brten thog mar klog legs bslab dang de nas rim par rdo rje'i theg pa la bag chags 'jog par mdzad pa sogs sgo gang thad nas thugs brtse zla dang bral ba zhig go | |
dgung lo zhe brgyad chu bya'i lor sbyor drug pa | chos 'phags | ngag mchog sogs bcu gnyis | lo der chos rje'i khang gsar du a gter chos dbyings rdo rje byon pa'i drung du | gter ston rang gi gter byon thang stong rgyal po'i lugs kyi tshe sgrub sogs zab chos du ma zhig dam khong gis legs gsan mdzad |
dgung lo zhe dgu shing khyi'i lor sbyor drug pa | dbon kun dga' | mchog gsal sogs dgung lo 'dir sngon a gter gyis lung bstan ltar khong gis thang stong rgyal po'i sku 'dra lugs ma nyid kyi sku tshad tsam tshon rtsi zung 'jug rab gnas bcas legs par bzhengs pa rten khang du bzhugs su gsol zhing | gtsang pa'i gzims khang du rdo rje slob dpon la ngag dbang rdo rje bzang po legs bzhugs kyi khri ston ched khong nas ras chen leb rgan mdog dar dang bcas kyis skyes 'bul kyang mdzad |
dgung lo lnga bcu shing phag lor sbyor drug pa | bsod nams bzang | mun lo sogs so | | lo 'dir khong gis khang dmar mgon khang du sngon nas yod pa'i rten gtor sgam gsum gyi khar rten gtor khyad mtshar ba gtor gral sum rim gyi rnam pa sgrub yig ltar gtor rdzas zung 'jug tshad ldan bcas de dag bla grwa mang pos zhag du mar legs sgrub kyi sgo nas chos skyong bstan srung yongs la dgyes mchod legs 'bul gyi mdzad sgo gsar pa'ang gnang |
dgung lo nga gcig me byi'i lor sbyor drug pa mkhas rgyam | 'jam rgyam sogs te 'di lor dmar dmag rgyang bskyod kyi dus zing gis zla ba gcig tsam gyi ring la chos mtshams kyang byed dgos byung |