[A:325] sogs la bde mchog rab 'byams kyi dbang bskur mdzad pa'ang khong nas gsan |
dgung lo nga drug lcags sbrul lor sbyor drug pa | sangs rgyas rin chen | 'od gsal sogs bcu | lo der khong gi ma yum dus las 'das pa'i sgongs rdzogs rgya che ba'i rnam par dkar ba legs 'dzoms kyi skal ba byung zhing | sngon bod ljongs kyi rgyal ba'i sku rten jo bo yid bzhin nor bu gang la rje tsong kha pa chen pos longs sku'i chas gsol bas zhwa ser phyogs kyi bstan pa phyogs thams cad nas yongs su rgyas pa ltar deng skabs su khang dmar rten khang gi rgyal ba'i gzugs sku chen po la'ang de lugs ltar dam pa 'di nyid kyis longs spyod rdzogs pa'i chas nye bar gsol bas rgyal ba gnyis pa jo nang pa chen po'i nges pa don gyi bstan pa gang nyid yun ring rgyas 'phel gyi ched du thugs smon rnam dag gi dgongs 'jags zab mo legs mnga'i ngang dam pa 'di nyid kyis kyang byas rjes mdzad sgo tshul de kho na bzhin gnang ba'o | |
dgung lo nga bdun chu rta'i lor sbyor drug pa | bla ma tshul khrimd sogs yin | 'di'i lo la sbyangs pa ma 'das mchog sprul gyis kun mkhyen dol po'i sku brnyan gser zabgs las nyer bskrun mdzad pa ji bzhin legs grub kyi dus yin pas lo de'i zla ba bcu pa'i tshes gsum la ri khrod nas chos rje'i hrwa tshang gi 'du khang du sku rten de nyid spyan drangs | de'i tshes drug nas bla ma mchog gang gis slob dpon gyi sgo nas grwa tshang phyed tsam dang bcas rab gnas 'gro phan rgyas byed kyi cho ga de'i lhan thabs ltar gyi zhag bdun phrag gi bar du legs sgrub mdzad cing | gzhan yang de dang lhan cig bla sprul grwa mang bcas kyis dus 'khor sdom chen gyi cho ga rab gnas dang sbyar ba sogs mdzad sgo de dag gi mthus sku gzugs la sngar las bkrag mdangs gzi brjid kun nas rgyas pa mngon glal du byung ba sogs kyi legs mtshan kyang byung |
dgung lo nga brgyad chu lug lor sbyor drug pa | chos 'phel | mnyam nyid sogs bcu | lo de'i zla ba drug pa'i tshes gcig nas rje dam pa khong dang sbyangs sprul sogs kyis dbur bzhugs byas te chos rje'i 'du khang du sa bdag gtad sprug zhag bdun phrag gi bar mdzad mthar gtad mdos gong thang mtsho wer nang du 'phangs pas phyis mtsho de nyid phrin zhing gshong ngo | | zhes grags skad |
dgung lo nga dgu shing sprel lor sbyor drug pa | byang chub rin chen | shes rab rdo rje gnyis | lo de'i zla ba gnyis pa'i tshes bzhi nas chos rje'i lha sde'i don la khong nyid kyis khang dmar du bskang gsol gsar rnying zhag bdun phrag gi bar mdzad pa'i gong bzhugs byas shing | de phan nas bzung slob tshogs la res mos kyi sgo nas nub thun du mgon bskang kho na mdzad pa'i srol btsugs te bskang ba gtum chen ma 'bum ther lhag gi zhal bkod dang bcas bar bar rnams su khong nyid byon nas ye shes