[A:334] par mdzad pas klad bzhugs mkhas pa dag gis bka' drin che zhes gsung gis gzengs bstod dang legs so dus su thob phyir phar phyin skabs bzhi pa'i 'tshogs langs zhes grwa sa'i skad grags can gyi chos rtsod dus su mkhas pa'i mtshan snyan nye bar thob |
de nas yang dam pa nyid kyis dbu ma rtsa shes la dge bshes mchog gis mdzad pa'i bsdus don dang | 'grel ba budha pa li sbyar nas slob sbyang dang | dbu ma 'jug pa la Tika chen dgongs pa rab gsal sbyar bzhin slob gnyer che rab mdzad cing | gzhan yang dge bshes mchog de nyid kyi zhal snga nas mngon pa rtsa ba dang klu sgrub kyis mdzad pa'i skyabs 'gro yan lag drug pa dang | dge tshul gyi ka ri ka pa sde lnga sogs chos bka' mang po'i bshad lugs yang legs par gsan | de mtshams shig la stug rgya'i dbon chung zer ba'i gcod pa mthu nus can gang gi drung du | dam pa 'dis | gcod dbang nam mkha' sgo 'byed | ma cig snyan brgyud sogs gcod skor mang po | rigs drug sems can ma'i khrid dam pa de nyid kyis mdzad pa'i steng nas zhib khrid sogs chos bka' mang tsam mnos shing | de nas chos rar zhugs te sbu ma'i chos 'phros nas 'dul ba mdo rtsa dang bde legs nyi ma'i yig cha'i thog nas gsan sbyang nan tan gyis ji bzhin yongs su rdzogs par mdzad de gzhung chen bka' pod lnga las mngon pa bklag lung tsam ma gtogs gzhan bka' pod bzhi la grwa sar de ltar khong gis sbyang brtson phul phyin gyi mthar sum rtags sogs rig gnas phran bu 'ga' la'ang 'dri rtog ci rigs re yang byas pa sogs de ltar thos pa slob gnyer gyi skabs kun tu nyid kyis bar mtshams rgyun khyer la phyag brgya phrag re dang chu mchod maNDala bcas lam rim sogs kyi dmigs rnam legs skyong gis dus 'da' bas thugs la nges 'byung gi blo shugs drag cing gting zab pa'ang dus su kegs par 'khrungs shing | de nas grwa tshang la nyid kyis gnang ba zhus nas rdzogs chen dgon gyi mdun ri'i sgrub phug cig tu 'tsho ba sbyor mkhan hor la ar tshang gis byas nas khong lo gcig tu lam rim gtso bor sgom zhing sngar gsan pa'i dpe cha rnams la gzigs rtog bcas kyis bzhugs bzhin lo mjug tu slob rigs pa 'ga' la jo bo'i byang chub lam sgron rtsa 'grel gyi khrid bshad re'ang mdzad |
de nas dpal spungs su kong sprul rin po che'i mdun du | dam pa rang gis gter mdzod las dgongs gter sgrol ma dmar mo'i dbang lung man ngag sad bsrung gi lag len bcas dang | 'das pa mang po'i gral du dus 'khor dbang chen nyin bdun pa'i phyag len ltar slob ma rjes 'dzin nas bdag chen gyi bar dang | 'jigs byed ro langs brgyad bskor gyi dbang | sbyor drug khrid mthong ba don ldan | gdams ngag mdzod nas bka' babs drug ldan khrid | rgyud bla'i rnam bshad nyid kyis mdzad pa sogs chos mang gsan nas bdud rtsi sman sgrub sogs kyi gnang kyang thob | de skabs mi