[A:336] bzhin gyi sgo nas mar mgo log phyogs brgyud rim par rang yul du phebs nas mi ring bar pAla phyogs su sbyangs pa skyabs mgon nyid bzhugs pa'i drung du dam pa 'di yang mjal phyug gi ched du byon nas sbyangs pa rin po che'i zhal mjal te thog mar rta phyag khyung gsum gyi rjes gnang gi chos bka' mol zhib rgyas kyis sbyangs pa gang gi thugs ngo mtshar zhing zhal nas bsngag brjod gzengs bstod legs gnang dang bcas kyi rjes su skyabs mgon sbyangs pa mchog la | dam pa 'dis sngon gyi bka' lung gi yin lugs bcas kyis nyid la sbyor drug gi gdams pa gnang dgos pa'i zhu ba phul ba ltar sbyangs pa khong gis ji bzhin zhal bzhes mdzad de thog mar sngar ma song ba'i bsnyen tshad 'ga' da lan 'gro dgos par gsungs pa bzhin 'byung 'dul | rta mgrin khyung khra rgyud lung rnams kyi dmigs khrid gnang bas de lugs bzhin gyi bsnyen sgrub tshad ldan pAla dgon der dam pa 'di nyid bzhugs te rang gis nyams bzhes legs par mdzad nas kha skong sbyin sreg bcas kyang legs grub byas shing de dag gi skabs thugs nyams su 'tshabs cha re yang byung zhing kun kyang byams snying rje byang sems kyi blo dang gang snang sgyu mar shar ba sogs kyis ji bzhin lam du slong nus shing | byin rlabs kyi rtags mtshan ci rigs pa re'ang nges par byung la | de nas rang 'dzam thang du byon nas lo de'i ston kha tsam na sbyangs pa rin po che'i mdun nas | dam pa rang gis 'jigs byed 'bru non dang rwa ba'i snyan brgyud kyi khrid zhus nas 'dzam stod 'brim shar ri khrod du nyid bzhugs te khong gis 'bru non bsnyen tshad kha bskang bcas dang | snyan brgyud man ngag dmigs skor nyer lnga yan chad kyis bsnyen pa kha skong sbyin sreg dang bcas legs par grub nges byas shing de phan 'jigs byed mngon rtogs 'chag med kyang mdzad |
dgung lo nyer brgyad chu rta'i lor ri khrod de nyid du rang gis mngon pa'i 'grel ba mchis Tika la zla shas tsam du dpe rtog zhib gzigs mdzad cing | zhal nas slob dpon mi mkhas pas mdzad pa'i dpe cha rnyog ma can las gzhung khungs ldan la phug gtad nas zhib rtog dgos tshul yang yang gsungs la | gzhan yang lo der dgongs gter sgrol ma gsang sgrub kyi bsnyen sgrub la brten nas bsnyen tshad gnyis tsam dang | 'jam sbyangs nag po'i lha bsnyen 'bum phrag bcu tsam gyi bsnyen tshad kyang grub par byas nas lha de rnams kyi byin rlabs kyi mtshan ma spyir mang po ma zad sgos su rlung khams mi bde ba tshun kyang sngar las je dwangs su song ngo | |
dgung lo nyer dgu chu lug lo'i dun khar rdo rje 'chang chen po kun dga' nges don rgya mtsho'i zhabs pad dam pa rang gis gus pas legs bsten gyi sgo nas thog mar dus 'khor lha dgu'i dbang zhig gsan pa sngon du 'gro ba dang bcas yan lag drug gi khrid yig mthong ba don ldan dang lhan thabs 'od brgya