[A:338] rje 'chang chen po'i zhal snga nas | dam pa 'di sogs slob bu mang tsam la naigu'i dbang bka' bde mchog lha lnga nas mgon po phyag drug pa'i bar yongs rdzogs dang | khrid yig zab don thang brdal ma | ma mo'i lhan thabs | 'khrul 'khor stan gcig ma'i bar dbang khrid mtha' dag kyang legs par thob | de ltar sbyor drug nyams len lo gsum gyi phyag bzhes bzhin rje skyabs mgon rdo rje 'chang gis gdams pa la brten ji bzhin slob bu thugs sras mchog 'dis nyams su blangs pas thugs rgyud la dus bstun gyi rtogs pa zab mo ya mtshan pa kun nas nye bar 'khrings nges su 'dug na tshul ji bzhin gyi khungs marnyed pas 'dir de tsam las bshad pas rngo ma thogs la |
dgung lo so gnyis me khyi'i lo skor du dam pa nyid kyis sngar gsan pa'i naigu'i chos khrid gang dag nyams su len pa'i mgo bde mchog lha lnga'i grangs bsnyen tshad ldan sngon du btang nas rdzogs rim chos drug yongs rdzogs la nyams len gnad smin mdzad skabs gtum mo zhu bde'i snang ba sgyu lus dag snang gi 'char sgo rmi lam rtsal sbyong dag ma dag gi zhing du mdzad pa 'od gsal gshis lugs sngar las ches dwangs shing gsal ba'i nyams myong gi tshul sogs rtogs pa kun nas yar rgyas gong du nye bar 'phel ngos nas shangs chos zab mo'i rim gnyis la de lugs bzhin gyis sgom sgrub legs mdzad kyis rtogs pa mchog tu smin par byas |
dgung lo so gsum me phag gi lo'i bcu pa'i nang du skyabs mgon nyid kyis dam pa 'di sogs 'dus pa brgyad cu tsam la phur pa mkhon lugs kyi stod las byang chub sgrub pa dang | smad las dgra bgegs sgrol dbang phur bsrung dkar bdud bcas kyi rjes gnang dang | dpal chen thugs thig sbas pa mig 'byed sogs chos 'di'i mkho tshogs gang dgos dag gi dbang lung zab khrid phyag len bcas legs par gnang zhing | de lor chos rje'i khang gsar du skyabs mgon gang gis dbur bzhugs kyi sgo nas bla grwa mang pos tshom su tshogs sgrub la thog mar sna sel | sta gon | thig tshon | phyi nang gi mtshams gcod sogs zhag gsum tsam dang | de nas dngos gzhi zhag gco brgyad bar nyin mtshan 'khor yug tu smra bcad bsnyen rgyun chad med sogs phyag len mtha' rgyas zhag bcu dgu'i nangs mo dngos grub blangs pa'i bar mdzad dgos rnams la dam pa 'di nyid brtson pa gzhan las 'phags pa'i sgo nas legs bzhugs kyi dus su nyid khams dwabgs shing thugs nyams dga' la dad gus brtson 'grus dag snang 'phel ba sogs legs lam che ba byung |
dgung lo so bzhi sa byi'i lor 'go tsha bla ma gzhan phan gyi drung nas | nyid kyis kun mkhyen dol po'i bka' pod drug rnam thar bcas dang | rje btsun rin po che'i bka' 'bum pod bco brgyad cha lag ci rigs dang bcas pa'i bklag lung yongs pa dang | gzhan yang bskang mdos | rtsang