[A:367] mtshan bzang gis legs bskul ltar sprul pa'i sku gang gis rje btsun tAranAtha'i bka' 'bum gyi spar brkos mdzad chen gyi dbu 'dzugs pa la chas te | khong 'brog sder gdul byar phebs skabs su khang dmar dbon gyi ma glo bur grib rkyen gyi shi ba ltar gyur tshe khong nyid kyis de la rkyen sel khrus byab sogs dang rjes gnang kha shas mdzad pas mo yang rim pas sos par gyur ro | | khong la 'di skor slob 'gas bla rnam tshom bskul gyi skabs bka' las | khong nyid kun mkhyen chen po'i rnam 'phrul gyi gsung zur re yang byung zhing nyid kyis rgan mo zhig la 'pho lung mdzad pas rgan mo de nyid dar cig la brgyal bzhin dag snang gi 'char sgo sna tshogs pa byung skad |
dgung lo zhe brgyad chu sprul la skabs ci rigs par khong gi bka' gsung las rje rang nyid kun mkhyen rje btsun gang gi rnam par 'phrul bar byas kyang rgyal ba'i gsang gsum gyi rnam rol la mi 'gal tshul gyi brjod zur slob 'ga' la gnang byung zhing lo de'i bdun pa'i tshes gsum la rje btsun mchog gi bka' 'bum las slob dpon padma'i rnam thar rgya gar ma dang | dus 'khor sdom chen sogs bsko ba'i dbu legs par zug cing 'di skor khong gi nye skor du bla rgan re gshegs de 'chi sems las ldang ma ldang nyid kyis 'pho lung thugs dmigs skabs ji bzhin mngon du gyur pa dang | yang mi khyim zhig gi bu mo bor song ba mi min gyis byed las su thugs thag chod pa sogs lkog gyur ji bzhin gzigs pa'i lo rgyus mang |
dgung lo zhe dgu shing rta la khong gis chos thun pa dang slob gnyer ba rnams la rang rang dang 'tshams pa'i chos khrid ci dgos 'dir ma zad snga phyi kun tu thugs skabs nam yod du rgyun kyi mdzad bzang la 'jog dus med cing | bar 'ga' la thugs slob 'ga'i sems kyi 'gyur rtog rags pa ji bzhin mkhyen nas de lugs gsung ba'ang yod | 'di skor khong gis don rgyam sogs la rta phyag khyung gsum sogs dang | 'dus pa mang po la naigu'i bka' phyi nang gi zab dbang sogs gsungs shing | rten khang du tshes bcu'i sprul skus dus 'khor dbang chen gsungs pa'ang khong gis gsan | lo de'i drug pa'i bcu bzhi la ri khrod du khong gis mkhan po mdzad nas drung pa sku skyes sogs la dge bsnyen bar ma rab byung sngon du 'gro ba'i dge tshul slong gi sdom pa gnang ba dang | sa dmar rdor slob bla ma ngag dpal gyi mdun nas | khong gis dus 'khor dbang chen sogs gsan bzhin gzhan dag la 'dod chos ci dgos kyang gsungs la | de skor khong gis par brko dag la yon 'bul gzab ldan re bcas lo der spar shing stong phrag gcig dang bzhi tsam legs brkos zhu dag bcas grub pa dang | mgo log phyogs su rgyal ba'i bka' chos kyi yi ge blus thabs mkhan grwa pa gnyis tsam mngag cing 'di skor khong nyid kyis thag ring gi mgron po'i gnas tshul mngon shes kyis gzigs bzhin de kugs 'jigs skyabs bsrung ba mdzad