[A:372] 'bring grang ngar lhag par bdo ba'i dus na'ang dpyid dus sos ka lta bu'i drod mched cing rang gnas kyi ri mgo sogs su me tog ches mang skyes shing dpal gyi 'dzam thang sogs la na bun zil phung gi rnam pa phyogs mtshams kun tu 'thibs pa lo der ma zad phyi lo'i dus tshigs rnams su yang yang byung ba deng dus la ltos na shin tu ngo mtshar ba'i rtags mtshan mang po bsnyon med dus su legs par shar ba'i dge mtshan zla dang bral ba'i mdzad sgo'i ngang gdung mchod zhugs 'bul sogs dus mthun tsam gyi dgongs mchod legs grub dang phyis su gdung rten yang de lugs bzhin gyi bgyi ba mi dman pa thugs slob gang dag gis 'bad khul gyi skal ba tsam las her rgyas dus dbang gis byung skabs yod pa'o | |
de ltar bshad pa rnams ni rje dbon dang sbyangs sprul zung gi rnam par thar pa mdor bsdus tsam ste rgyas pa ni dbon gyi rnam thar rgyas pa dang sbyangs sprul mchog gi rnam thar rtsom gzhi sogs su gsal zhing de las phyi ma'i rnam thar rgyas pa re rjes sor skal ba 'grig tshe rang gis kyang 'bri 'dod yod pas 'dir de tsam las ma spros la | chos brgyud 'di phyogs nas 'phros pa tsha rong dza 'go'i dgon chags 'debs mdzad pa'i 'bras rab 'byams pa blo bzang mchog grub pa'i rjes su dgon de nyid du rang lugs kyi bstan pa skyong mdzad kun dga' rig mchog zhabs pa yang gang nyid kyis thog mar dam pa bsten nas zab chos gsan sgom gyis rang don legs grub kyi rjes su bar du chos dgon der khong gis zab lam rdo rje rnal 'byor gtso bor gyur pa'i rang lugs sgrub brgyud kyi nges don bstan pa 'dzin skyong spel gsum rgya cher mdzad ngos nas mtshan snyan grags pa che rab byung zhing | tha mar gdul bya re zhig rdzogs tshul dang bcas pa'i rnam par thar pa rgyas tsam logs su yod pas de'i lo rgyus re dang | dgon de'i rjes su bstan pa'i rgyud 'dzin kun dga' tshul khrims rgya mtsho dang | kun dga' dge mchog zhabs pa gnyis kyang rim par byung bas de gnyis kyis kyang don gnyis ji ltar bsgrub pa'i tshul sogs 'di skor la bshad bya yod na 'dir ha cang yi ge mang bas re zhig bzhag go | |
2. dpal ldan jo nang pa'i bstan pa 'dzi yul stod smad dang mgo log gi
yul sogs su ji ltar dar tshul |
da ni sngon dus gsum sangs rgyas kun 'dus kyi bdag nyid nges don dbu ma chen po'i shing rta'i srol 'byed khams gsum chos kyi rgyal po rje jo nang pa chen i bstan pa yongs kyi mnga' bdag 'jam mgon kun dga' snying po'i sku tsha cha lung ba grub chen ngag dbang 'phrin las kyi sku dbon gtsang pa ngag dbang rnam rgyal khams 'dir phebs nas gang gi sku phreng gsum pa gtsang chen dkon mchog 'jigs med rnam rgyal gyi bka' drin brten nas bstan 'dzin slob tshogs kyi sde khams 'dir dus phyis su byung ba'i