[A:374] nas lo de'i sbyor drug pa sku dbon bstan dar sogs dang | de nas rim par sa khyi'i lor sbyor drug pa bla ma ngag dpal sogs | sa phag la bla ma rin chen rgya mtsho sogs | lcags byi la bla ma thugs rje sogs | lcags glang la yal 'go'i bla ma karma bstan sogs | chu stag la bla ma dngos grub rgya mtsho sogs | chu yus la rtogs ldan bla ma don yod sogs te | 'di man du sbyor drug khog dang | sbyor drug sgrub grwa gnyis ka yod pas de lugs ltar na sgrub khang pa thog ma bla ma ngag dpal sogs dang | de nas yang shing 'brug la sbyor drug pa bla ma mkhyen rtogs sogs | sgrub khang pa bla ma sman mchog sogs | shing sbrul la sbyor drug pa bla ma stong gsal sogs | sgrub khang pa bla ma grol mchog sogs | me rta la sbyor drug pa bla ma gsang mtha' sogs | sgrub khang pa bla ma snyam grags pa sogs | me lug la sbyor drug pa bla ma dbyangs snyan sogs | sgrub khang bla ma grags pa sogs | sa sprel la sbyor drug pa bla ma legs grub sogs | sgrub khang pa rdo rje dpal | sa bya la sbyor drug pa bla ma rin chen dar rgyas sogs | sgrub khang pa bla ma rin kun | lcags khyi la sbyor drug pa bla ma nam mkha' snying po sogs | sgrub khang pa blos rab sogs te khong nyid kyis thugs slob de dag gis gtsos 'dus pa mang po bar bar rnams su zab chos kyi rim pa rdo rje 'phreng ba sgrub thabs rin 'byung | sbyor rgyud bcu gnyis sogs chos kyi sgo ci rigs pa legs gnang gi mdzad pa 'phrin las de rnams ma gtogs sa dmar dgon 'debs po skyabs rje lung rtogs rang gi rnams par thar pa gzhi khog phal che ba dang | de rjes su byon pa'i dam pa rnams kyi lo rgyus dang bcas pa ni 'og tu ji bzhin 'chad par 'gyur ba'o | |
sa dmar dgon gyi rdo rje slob dpon ngag dbang lung rtogs rgya mtsho |
2. gtsang chen sprul pa'i sku phreng gsum pa gang gi dngos slob gtsang pa dge slong gi slob ma ngag dbang chos kyi 'phags pa'i thugs sras kyi bu chen rtogs ldan 'khrul zhig rnal 'byor gyi dbang phyug ngag dbang lung rtogs rgya mtshos sa dmar dpal rtse dgon par rang re'i chos brgyud legs spel gyi tshul la thog mar gang de 'khrungs yul ni 'dzi ka'i byang gi char gtogs yul skyong se nyag gi 'dabs kyi sa'i cha ste | der yab rbugs shul khrig li dang yum mi rgod za skyid de gnyis kyi sras su lhums na bzhugs skabs gser nyi dung zla 'od zhags kyis sbrel bzhin lus la thim snang dang | ri chen gyi rtse nas dung 'bud pa'i sgra dang me tog gi char sogs kyi dge mtshan dang bcas lcags phag lor sku bltams | de nas sku rik gyis 'phel ba'i tshe klog sogs yul srol dang bstun pa'i rig gnas la byang chub par byas | de nas re zhig gi tshe 'dzam thang gtsang chen pho brang du rdo rje 'chang ngag dbang chos kyi 'phags pa bzhugs pa'i drung du phebs pa na | khong gi rtsa ba'i bla ma gtsang pa dge slong gis nyid la thugs sras bu chen rnam bzhi 'byung bar lung bstan pa ltar gyi bu chen gcig tu gzigs te brtse bas rjes su bzung nas rang