[A:31] khrid grwa snga ma rnams la brgya tsam nyis brgya tsam | lnga bcu tsam ci rigs pa yod cing | 'khrid rting ma 'khrid mo cher grags pa la dam po 'debs pa stong dang brgyad brgya lhag tsam byung | grangs su ma bcad pa la zab lam sgom mkhas dpag tu med de | sprang po tshun chad kyang chos la dad pa skyes nas lam srang rnams su dben gsum sgom pa dang | skye bo stong phrag mang po la mchog dbang gong ma gnang bas mi rnams la lta ci smos | srang kha'i khyi tshun chsd la ye shes phebs pa'i rnam 'gyur mang du byung | gzhan yang dus 'khor gyi rgyud 'grel tshar gcig | 'bum gyi bshad pa tshar gcig | dbang mdor bstan tshogs tshar gnyis | nAro'i 'grel chen dang | sems 'grel chung ba tshar gnyis | dbu ma bstod tshogs tshar gsum | snying po'i mdo bcu dang | nges don rgya mtsho sogs mang du gsungs | snye mo nas 'di'i bar la srog rtsol gnang bas nyams rtogs tshad du phyin pa yang nyis brgya lhag tsam byung | phyir phebs pa'i tshe phyag 'bul bar 'ong ba'i rta khrom skyang thang sgang la mi shong ba tsam byung | de nas kyi smad dang | yar 'brog dang | nyang stod sogs su rim gyis phebs nas de kun tu yang zab lam gyi 'khrid mang du gsungs | sham po rtse lnga la bde gshegs snying po'i don rtogs pa mang du 'byung zhes lung bstan |
thams cad mkhyen pa gnyis pa bu ston chen po dang 'bel gtam mdzad par bzhed na'ang bu ston chen pos rtsod pa mdzad ma nus zhes grags pa yang don la gnas | snga dus su bu ston chen pos jo nang gi sku 'bum gzigs par bzhed nas mnal lam bzung ste phebs pas jo mdar phebs pa na kun mkhyen chen pos phaT? ces gsungs pas mnal sad de gzigs ma thub sogs kyi lo rgyus yod | gang phebs thams cad du sems bskyed dang | yig drug gi lung zhu ba | dge bsnyen pho mo zhu ba | rab byung bsnyen rdzogs zhu ba sogs kyang rgyun mi chad pa byung | sku 'da' ba'i sngon lo lnga tsam nas bshang gci'i rgyun chad pa dang | snga mo nas gtum mo'i bde drod kyi 'ur langs pa nyin mtshan dang thun thun mtshams med | ma zos bkres med zos kyang 'ju | | zhes pa'i tshul gyis res 'ga' zhag grangs mang por zas ma gsol kyang bkres pa med cing stobs dang ldan pa dang res 'ga' nyin zhag rer mi zas mang po gsol yang mi 'ju ba med cing legs par 'byongs pa'i bdag nyid can mi phal pa gzhan dang ye mi 'dra ba'i gsang bdag sems dpa' chen po ngang tshul can no | |
gsum pa tha mar mdzad pa rdzogs tshul ni | de nas jo nang du phyag phebs nas lo gnyis tsam nye ba na | 'tshogs pa chen po'i dbu nas bzhugs te de rnams la | nges don rgya mtsho khyed rnams kyi chos skal yin gsungs nas sku'i gzi mdangs gsal ba nam mkha' sgra dang me tog gi char 'ja' 'od kyis khengs so | | zhal nas | bod yul 'dir dbyar dro dgun 'khyags pas nga'i bag mi spro | | da lo na dro sa zhig snyegs dgos gsung | nye gnas dngos grub dpal na re | dro sa gang du gshegs zhus pas | bde ba