[A:i-2] dang gus sbyor gyi brtson pa drag pos gsan sbyong lhur bzhes nas bcu phrag rig pa'i gnas dang mdo sngags gzhung lugs kun la sbyangs pa mthar son mdzad pas mkhyen rab dang rnam dpyod kyi rtsal la 'gran pa'i zla dang bral ba'i mi pham gnyis pa lta bu yongs grags su gyur |
mdor na shes par bya ba'i gnas kun la sbyangs goms mthar phyin pa mdzad de rang gis rig cing gzigs pa kun kyang rjod byed dri ma dang bral ba'i lam nas gzhan la 'chad cing 'doms pa sogs kyis kun mkhyen jo nang pa'i ston pa bzhi ldan gyi nges don bstan par bya ba rgya cher mdzad nas dgung grangs nga drug la phebs pa rab byung bcu drug pa'i shing yos spyi lo 1975 lo'i zla ba lnga pa'i tshe nyer lnga la gzugs sku'i bkod pa bsdu ba'i tshul bstan |
de lta bu'i mkhas grub gnyis ldan gyi dge ba'i bshes gnyen chen po de nyid kyi gsung las skyes pa'i slob ma yang sbyangs pa sprul sku dang 'dzam thang gtsang pa'i sku skyes ngag dbang bsod nams dpal ldan phyogs las rnam rgyal sogs sprul sku mang po dang | gang nyid kyi thugs sras dge ba'i bshes gnyen gtsang pa'i rdor slob ngag dbang dkon mchog dang | 'chad rtsod rtsom gsum spyi la mkhas pa ngag dbang yon tan bzang po sogs bcu phrag du ma byung ngo | |
gang nyid kyi rmad du byung ba'i legs bzhad kyang tshad bsdu dang | bsam gzugs kyi rnam gzhag lam gtso rnam gsum | grub mtha' | dus khor sbyor drug spyi don | bod chen zhing gi rgyud bzhi | skal ldan 'ga' phan | bstan rtsis | dus khor lhan skyes khrid yig | rdor sems khrid yig | skyabs gsum rnam bshad | dus khor sngags kyi gzhan stong | jo nang gzhan stong chen mo | bla ma bstan rab kyi rnam thar | bla ma mtshan bzang gi rnam thar | bla ma snyan grags kyi rnam thar | bla ma ngag dpal gyi rnam thar | gling ge sar gyi rta rgya | sgrol ma'i mo yig | de'i lhan thabs | bsang gi kha bshad gnyis | nges don phur pa'i khrid yig | sgrol chog rgyas pa chen mo | rnam rgyal ma'i bum chog rgyas pa | kun mkhyen mchod chog rgyas pa | kun mkhyen rnam thar tshigs bcad ma chen mo | gu ru rnam thar rgya gar ma tshigs su bcad pa | gu ru gter rnam tshigs bcad ma | gter brgya'i rnam thar tshigs lhug chen mo | bsur mchod chod rgyas pa | jo nang chos 'byung rtsa ba | de'i lhan thabs bcas dang | gzhan yang bla sgrub sna tshogs dang gsung thor bu sogs khyon bsdums brtsams chos po ti bcu phrag gnyis la nye ba bzhugs so | |
de lta bu'i mkhas mchog de nyid kyi legs par bshad pa'i ya gyal jo nang chos 'byung rtsa ba dang | de'i lhan thabs gnyis las rtsa ba'i mjug byang du brtsams pa'i dus mi gsal | de'i lhan thabs ni rab byung bcu drug pa'i me rta lo nas me lug spyi lo 1966 - 1967 lo'i bar rtsom par mdzad cing | 'di'i brjod bya gtso bo ni chos 'byung rtsa bar | dpal ldan jo nang pa'i chos tshul 'phags bod du mdo