[A:33] mkhas pa'i gnas thub | nyer gcig la dbus gtsang gnyis su grwa skor mdzad cing mkhas mang la chos gsan | nyer gsum skor nas jo nang du yon tan rgya mtsho'i drung nas bsnyen rdzogs mdzad | nyer lnga la kun mkhyen chen po dang mjal nas gdams ngag mtha' dag gnang | ston pa ye dpal gyis chu bzang gi dgon pa phul der 'chad nyan btsugs | chos rje'i sku tshab rgya nag tu phebs | gsung chos gzhi lam 'bras gsum gyi rnam bzhag | rgyud sde'i dbye ba | rtsis sogs mang po mdzad | 'dis kyang lo tsA mkhyen pas 'jam dpal lta 'dod sogs bsgyur | ( spyi lo 1363 | rab lo 6.37 ) chu yos lor dgung lo gya gcig tu sdig can byang pa siddhis bgrongs nas ngo mtshar ba'i ltas bcas 'das so | |
gnyis pa sgrib sel sprul pa lo tsA ba blo gros dpal ( spyi lo 1299 | rab lo 5.33 ) sa mo phag lor mdo smad du 'khrungs | dgung lo lnga'i bar ma'i nu zho ma gsol maNi dang chos sgra mang po rang shes kyis gsungs | lo bcu lnga man la phar tshad mngon 'dul sogs la mkhas pa'i grags pa thob pas dbus gtsang du grwa skor mdzad | nyer lnga la brag ram du dpang lo la brda rig sogs gsan | des kun mkhyen chen po mtshan snyan gsung ba la brten jo nang du chos rje'i drung nas bod du 'gyur tshad kyi bka' 'grel zhus mthar dgung lo zhe gcig skabs jo nang gi gdan sar bskos te 'phrin las dar zhing rgyas | gsung chos bka' 'grel | ngo sprod | 'phreng ba'i thig skor | rtsis sogs mang | dgung lo nga lnga ( spyi lo 1353 | rab lo 6.27 ) cho sbrul lo'i rgyal zla'i thes brgyad la ngo mtshar ltas bcas zhi bar gshegs so | |
gsum pa byams pa'i sprul pa sa bzang mati paN chen ( spyi lo 1294 | rab lo 5.28 ) shing pho rta la mnga' ris su 'khrungs | btsas ma thag gom gsum bzhengs nas byams pa'i sprul pa'i 'gro don mdzad tshul gyi tshigs bcad gsung | dgung lo bzhi nas byams pa'i chos lnga kha ton mdzad | lo bcu lnga skor nas mkhas pa'i grags pa chen po thob cing dbang lung man ngag mang po gsan | lo nyer lngar zhwa lur byon nas mkhan chen drung nas bsnyen rdzogs mdzad | der dbyar chos mkha' 'gro rgya mtsho'i rgyud gsungs pa'i chos grwar kun mkhyen chen po'i rnam thar gsan pas dad pas dbang med du jo nang la byon te chos rje nyid la mnga' ba'i chos yongs rdzogs zhus te kun la mkhas pa'i thugs sras mchog tu gyur | gzhan kun spangs chos grags dpal dang lo tsA blo brtan gnyis la'ang chos bka' rig gnas mang po zhus | bla ma zla ba rgyal mtshan gyis sa bzang dga' ldan dgon gzhi rten bcas phul nas der chos mang gsungs | byams gling du sde pa dol pa bskul nas jo nang dpal gyi mchod rten tshad ldan bzhengs | gsung chos | sgra TIka spyod 'grel | blang dor rab gsal | rtsis thig rtsa sogs mang | dgung lo gya gsum ( spyi lo 1376 | rab lo 6.50 ) me 'brug lo'i tha skar zla ba'i tshes bcu lnga la ngo mtshar du ma bcas sku gshegs so | |
bzhi pa kun bzang sprul pa 'bri gung lo tsA ba maNikashri ( spyi lo 1299 | rab lo 5.33 ) sa mo phag