[A:405] mda' bla ma thub bstan dge legs rgya mtsho'i mdun nas | sbyor drug spyi don gsan skabs bsam gtan yan lag gi dus su dam pa 'dis myong ba'i steng nas zab don nyams len gyi rang rkang dpyis phyin gyi zhib bshad phul tshe 'ba' mda' nyid nas kyang thugs dgyes spro ya mtshan gyis dam pa gang gis zhu phul ltar gyi zhib bshad spyi don gzhung dkyus su gsar bsdebs byas nas thugs ngo mtshar ba'i che bsngags rgya cher mdzad cing | gzhan yang sbyor drug sgom rim | lam rim | spyod 'jug | phung lnga sogs chos mang slob gnyer kyang mdzad |
dgung lo so brgyad skor 'dzam thang gtsang pa'i pho brang du ngag dbang chos 'byor zhabs pa'i mdun nas | snga rjes lo gsum tsam la rgyal ba'i gsung rab 'gyur ro cog gi bklag lung yongs rdzogs | lha tshe skyabs mgon mdun du | zhi khro dang | gcod skor mang po'i zab dbang lung khrid rgyas pa thob | yang khong nyid 'jigs byed 'bru non gyi bsnyen mtshams la bzhugs dus nyid kyi thugs snang ngor rang yi dam dngos su gyur te dbyings nas rang 'dra ye shes pa rgyud sde'i lha sna tshogs mang po bcas dril g.yer gyi sgra mkha' dbyings su khyab bzhin skad cig la dam ye gnyis med kyi tshul du legs bstim dngos kyi snang ba byung zhing | bar skabs shig tu khong 'dzam thang du byon khar lha bzo rdo rje 'chang gis da lan thugs dam zab mo'i ngang phebs dgos tshul gyi bka' lung ltar byon te mar lam tshe rged 'phrang thad du thon tshe gnod byed rgyal gdon gyis cho 'phrul 'gyed de rkang g.yas 'dzi chu'i pha ri lha mo rgyal mo'i mgo dang rkang g.yon tshu ri se le dung dkar sgang du bzhag nas bsdad yod pa khong nas gzigs tshe de ma thag bla ma'i gsung dran bzhin thog mar dus 'khor lhan skyes kyi gsal snang las skad cig la gnas 'gyur te 'jam dpal khros pa chen po srid gsum gang ba'i skur bzhengs te dbu'i rwa rtsed kyis rgyal gdon rgya mtsho'i pha mthar legs bskrad mdzad la | yang cig tu lha bzo khong nyid nya dge'i mi shi gson gang yin ma go ba'i skabs byon dus su'ang dam pa 'di nyid grwa pa yin pas mi shi bo'i gnas tshul ji bzhin mkhyen te zhib rgyas su lha bzo sang la zhu ba phul ba ltar thog tu ji bzhin khel lo | |
dam pa 'di dgung lo bzhi bcu nas sgrub gnas ri khrod du lha bzo rdo rje 'chang gi sku bzhugs pa'i drung du khong lhan rgyas nas sgrub sde chos thun pa rnams la rang rang dang 'tshams pa'i zab chos gang dgos kyis rjes su legs bzung mdzad pa yin la | khyad par khong gi dgung lo nga gnyis nas drug cu'i bar lo dgu tsam la nyid kyis khrid dpon mdzas de mtshams gong 'og ci rigs par khong gi spyan gyis mi gzigs par gyur ngos nas kyang sgrub sde so so sbyor drug gi zab khrid gtso bor gyur pa'i chos bka' ci dgos dag gis legs bskyangs byas pa ste | de yang chos tshan thog ma bla ma rdor bzang | bla ma gsal bzang | bla ma rin bzang sogs sbyor drug pa lnga nas bzung chos tshan so so rim par byung ba las khyon