[A:423] nyid kyi sems la khong mjal ma thag khams shin tu dub snang zhig shar yang tshul de drang por zhu ma spobs tshe | zhal nas | 'o khyod kyis ngo mthong gi gtam 'dis ci byed | ma brtags nyams dga'i blo ngor shar tshul ji bzhin pa de rang gi gnad tshul la bslu med kyi mngon mkhyen lta bur 'dug | ces gsungs la | yang bar skabs rer zhal nas | da ni gzhan mo rtsis pa sogs kyi bzang lo ji ltar bshad kyang da skabs su rang 'chi thag chod nges red | de yang dbugs kyi rgyu ba 'di nam chad pa'i zhag gi chu tshod kyi dus de ji bzhin nges thub na rang nus pa mi che yang dmigs pa bzang rab yin pas dus skabs de la bya thabs shig rang yod | ces gsungs pas kun gyis da reb las mi bzhugs par sems thag chod pa na lo de nyid kyi smad phyogs tsam du dpon slob rnams rdo'i g.yu thog dgon par phebs nas der zhag shas bar legs bzhugs mdzad de lo de'i zla ba bcu pa'i tshes nyer lnga'i nyin sngar rgyun du nyid kyi sku chas gos rnam gsum rtag par mnab srol yin na de'i nyin nangs snga mo nas gzims khri'i nang gi mal stan sogs gtsang dag byed du bcug nas khong gis nab sham bang steng du bzhag ste tshul de ka'i ngang nyin der bzhugs mthar nub mo'i bza' btung gi bya ba legs par mdzad rjes khong gi zhal nas | sku mdun pa dag la | khyed rang rnams rang gnas su song zhig | da ni rang la mkho bya gang yang mi 'dug go | | zhes gsung yang de dag da dung re zhig bar sku mdun du bsdad pa na khong gi sku drang por bsrang ste rnam snang chos bdun gyis bzhugs nas spyan gnyis nam mkhar hrig ger gzigs bzhin zhal gsungs snyan pa'i dbyangs kyis | sangs rgyas rnams kyi mtshan dang | bla ma gong ma dag gi gsol 'debs sngon du 'gro ba'i sgo nas zab lam 'pho ba'i cho ga rgyas pa zhig mdzad pa'i mthar phaT sgra chung 'bring che gsum gyi ma mtha' hig sgra ches sangs mo zhig gi ngang nas gzugs sku g.yo ba med par dgongs pa chos dbyings su legs bzhugs mdzad de thugs dam du skad cig la mnal bar gyur to | |
de nas slob bu dag mya ngan gyi khang bur zhugs bzhin zhag 'ga'i mtshams nas thugs dam legs bkrol sogs kyi bya gang 'tsham dang bcas mthar sku gdung rin po che 'dzi sribs dgon du gdan 'dren mdzad nas gshegs mchod rgya che ba zhugs 'bul dang bgyi ba gang dgos thams cad legs grub kyi skabs gdung bzhu shul du phyis su bzang shing shug pa'i sdong po zhig skyes par grags shing | sku 'das pa nas bzung gdung tsha sgrub dus yan la bar bar du mkha' lam nas 'ja' gur phang phung 'khrigs pa sogs legs mtshan gyi snang ba cir yang che zhing | khyad par gdung rus dag las dbu thod dum bu la 'jam dbyangs kyi sku gsal por dod cing rus pa gzhan rnams la yi ge'i gzugs ches mang byon pa sogs de dag ci rigs dngos dang rten gsum gang yang rung bar legs bzhengs byas nas gdung rten dus 'khor mchod rten gyi nang gzhug tu bzhugs su gsol ba sogs bsod nams zhing gi bsags sgo gang