[A:425] khyur spyang gu'i gnod pa byung dus nged sang la 'di bzang bar mi khyim des sems kyang khong gi thugs snang ngor 'tshe byed kyi rigs mang po zhig 'ong gin 'dug cing de dag mthar khong gis bskrad par mdzad pas 'tshe byed de dag mi tshang gzhan zhig tu song ba'i snang ba byung bas de lugs ltar da res mi bzang tshul zhal nas gsungs pa bzhin rjes sor khyim tshang gzhan la mi bde ba de 'dra kho na ltar byung ba'i lo rgyus yod |
yang khong nyid rang gnas 'dzi sribs dgon du 'jigs byed bskyed rim la bzhugs skabs yi dam lha'i gsal snang ches nye bar brtan pa'i stobs kyis de skabs su stod phyogs nas byon pa'i mkha' 'gro ma mngon shes mnga' ba zhig gis rgyang ring nas 'dzi sribs mtshams khang du khong nyid yi dam he'i gdong ba rwa can gyi rnam par bzhengs yod pa ji bzhin gzigs shing sprul pa'i sku nyid du lung bstan pas thugs ngo mtshar du gyur pa sogs de 'dra'i lo rgyus mang la | khyad par khong gi sku tshe'i dkyil smad tsam nas gdul bya rjes 'dzin gyi mdzad pa gnang ste 'dzi sribs bkra shis sde dgon du sbyor drug btsugs nas slob bu chos tshan so so la rang rang dang 'tsham pa'i zab chos kyi sgo 'phar legs phye mdzad nas dbang lung khrid gsum tsam ci dgos kyis gdul bya rjes su bzung bas snga phyi khyon rtogs ldan sde nang bla ma tshul khrims | bya bral ba bla ma tshogs gnyis bzang | sku dbon dam pa phun tshogs | 'dul 'dzin ka zhabs bla ma don ldan sogs slob tshogs bdun cu lhag tsam byung zhing | de dag la sbyor dam pa gong ma'i rjes su ci slob bya dgon tshul dang khyad par nag chang rkus gsum tshong mna' skug g.yo sgyu lhag par spangs dgon tshul sogs chos mthun gyi bslab bya dus dus legs gnang mdzad la | 'di skor sogs su khong nyid spong ba bsam gtan la rtse gcig tu bzhugs pa'i ngang nas thugs mngon shes sgrib med kyis slob bu mtshams grwa ba gang dag gis mtshams khang du spyod pa bzang ngan ci 'dra byas pa rnams ma zad kha 'khor tshul tshun chad ji bzhin mngon sum du gzigs shing | de min gzhan sngar zhig tu yag mdo'i sgar gyi sku rim dbu bla ngag dbang chos 'byor gyis mdzad skabs las mtha' zor gyi dus rwa zor ji ltar 'phen lugs dang | gtsang pa sku 'bring la mi bde ba 'byung 'gyur gyi tshul dang | dgon nang du lkog g.yo'i bya bas rku byas pa sogs tshul gsal po sgrib med du gzigs pa dang | gzhan yang gtsang pa'i rdo rje slob dpon ngag dbang chos 'byor sku bsnyung nas 'dzam thang gtsang pa'i sgrub khang du bzhugs skabs sku 'khor 'ga' re phyogs kyi sman pa'i zur du 'gro ba la de dang lhan cig nad bdag gi tshogs re zhig bkyags slar phyir 'khor song ba'i tshul sogs dam pa gang gi thugs mngon mkhyen gyis ji lta ba bzhin legs gzigs mdzad pa dang | dam nyid kyi spun tha chung shi ba 'dzam thang du mi lus kyi skyes srid nges par thob pa sgrib med mthong pa dang | khong gi khyim gzhi'i rgan mo shi ba'i bar srid rnam dkar stobs chen gyi khur dang bcas bde 'gror skye ba'i mtshan ma thugs mngon shes kyis gsal bar mkhyen