[A:428] yos la sku 'khrungs | chung ming 'jig li zer cing dgung lo bdun par sog po bde mchog gi zur du yi ge bslab dus nas rig pa gsal zhing gsung skad bzang ba sogs yon tan phal khyad 'phags yod la | dgung lo bcu gnyis skor du gtsang pa'i gzims khang du song nas ngag dbang chos 'byor zhabs pa'i mdun drung du sbyor ba yan lag drug gi dbang khrid yongs rdzogs zhus te nyams len lo gsum du mdzad de mtshan ngag dbang rin chen bzang po zhes gsol zhing | 'di skor du 'ba' mda'i bla ma'i mdun nas zab khrid mthong ba don ldan kyang gsan | de nas rim par lo 'ga'i mtshams shig rer gtsang pa'i sgrub grwa gong mar lo gcig tu sbyor drug slar yang bsgom | de rjes tsam gzims khang du 'khrul 'khor 'gab mar lo gcig bzhugs skabs nyams len bzang rab tu grags | bla ma ngag dbang chos 'byor gyi mdun nas | bskyed rim sna tshogs dang | shangs chos skor sogs chos bka' mang po snga phyi kun tu gsan zhing | de rjes shig nas 'dzam thang du ngag dbang tshogs gnyis rgya mtsho bzhugs drung nas | bsdus grwa | phar phyin | sngags rim | dus 'khor 'grel chen | blo sbyong don bdun ma | bla ma lnga bcu pa | sum rtags sogs la gsan sbyang dang | 'dzam ngos bla ma ngag gi dbang po'i mdun nas kyang | skabs ci rigs par lam rim rgyas 'grel la gsan sbyangs yang mdzad | de dag gi skabs las phar phyin bslab dus nub cig rmi lam du bla ma'i thugs ka'i 'khor lo dpal be'us mtshan pa spros te dam pa rang gi thugs kar thim pa'i legs mtshan gyi snang ba'i rmi lam dang | yang nub cig bla mas zhal mchil khar blugs pa cung zad btsog pa'i snang ba yod pa'i rmi lam byung bas rjes sor btson pa zhan stabs nyid kyi thugs rig dang 'tsham pa'i gzhung lugs la go ba de tsam byung ma thub kyang gzhan phal su dang bskrun du med pa'i mkhas khyad thon | khyad par sngags rim la sbyang brtson dus su bla mas bshad khrid gsung ba las kyang lhag pa tsam gyi sgo gang thad nas rig pa'i rtsal thon mdzad nus pas de dus kyi chos grogs rnams kyang ha las tsam du gyur skad | de mtshams shig nas grub chen mkhan po dam chos kyi mdun nas | da phan dud tshang gi khyim du mi 'gro zhing | rgyu rdzas 'os med kyang mi blang la | bsad sha mi za ba sogs yul 'dir srol ka cher med pa'i rab byung ches mchog gi ngang tshul legs bzung mdzad |
yang khong nyid gtsang pa'i gzims khang du bzhugs dus rab kha bla ma mkhas dbang gi mdun du nyams len zhu ru 'gro skabs shig la bla ma'i zhal nas | da lan khyod kyi nyams len 'di tsam shes pa ni lha bzo bla ma sang gi bka' drin yin | da dung khyod la sngar med kyi stong gzugs dang sems kyi gnas lugs kyi nyams shig zhag 'ga' nas 'ong zhes gsungs pa ltar zhag 'gar song ba na de lugs kyi 'char sgo nges par byung | yang nyin cig zhal nas | khyod la zhag bdun nas 'phar g.yo zhig 'ong | gsungs