[A:441] la | kar gling zhi khro'i zab dbang cha tshang | bklag lung du ma | dus 'khor mchog dbang | 'don cha mang po'i bklag lung rnams gsungs |
dgung lo don bzhi don lnga gnyis la sbyor drug pa bla ma sangs don sogs gsum | sku dbon mtshan ldan sogs lnga | gzhan naigu dang bskyed rim pa 'ga7 re dang bcas la de lugs kyi chos bka' gsungs shing | 'di skor bya yur du khang brtsegs mchod rten bzhengs | dgon du bla ma snyan grags phebs nas shangs chos skor gyi dbang dang | rjes gnang brgya rtsa sogs khong gis zhus shing | nyid kyis kyang | grub thob brgyad cu | sbyong rgyud | 'jigs byed ro langs brgyad skor | mgon po khro bcu'i dbang rnams gsungs | dgung lo don drug tu sbyor drug pa bla ma rig 'dzin rgya mtsho sogs lnga | 'di skor khong nyid kyis 'dus pa bdun cu tsam la | dus 'khor dbang chen | sgrol ma dmar mo'i dbang | gcod dbang nam mkha' sgo 'byed rnams mdzad dus nyid kyi thugs snang ngor | pha cig dam pa | ma cig lab sgron sogs gcod yul brgyud ldan bla ma thams cad sku gar stabs gsung sngags sgra thugs phyag mtshan TAma ru 'khrol zhing kha ba bu yug ltar skad cig la byon pa'i snang ba dang | der tshogs dbang gral na yod pa'i 'dus sde rnams dpa' bo dang dpa' mo'i rnam par mthong bas thugs gshis dga' bas khyab bzhin khong la dbang lha phebs rkyen der tshogs pa'i 'dus sde drug cu tsam dbang med du 'phar g.yo byung bas gnas de sngags rig 'dzin pa chen po'i zhing dang khyad med du gyur cing | der dbang nyan du sngags snying phyogs kyi grwa pa zhig yod pa de'i snang ba yang bla ma'i byin rlabs kyis gnas 'gyur te mkha' dbyings su lha dang lha mo'i tshogs kyis yongs su gang ba'i 'char sgo las dbang med du nyams 'ur langs pa lta bu'ang byung | 'di skor bskyed rdzogs pa gzhan ci rigs la dmigs khrid kyang gang 'tshams mdzad |
dgung lo don bdun du sbyor drug pa bla ma rin chen rgya mtsho sogs lnga | gzhan bskyed rim pa re dang bcas lo 'dir khong gis thar mdo'i yon bcos rgya cher mdzad cing | gsang sprul 'jigs med bstan 'dzin dgon du phebs nas 'od dpag med myur lam gyi dbang zhus shing khong gis kyang sbyor drug bsdus khrid sogs mdzad | de nas 'od dpag med kyi mtshan bye ba ljags bzlas dang | lo der gsang lung bla ma lhun po byon nas dbyar gnas kyi lag len bcas kyis dge 'dun pas dbyar khas blang gi 'dul ba'i sgo yang tshud | 'di lor khong gi mdun dge tshul slong sgrub pa'ang mang tsam byung | de rjes tsam na bla ma tshogs gnyis rgya mtsho phebs nas zhus ngor 'dus pa nyi shu tsam la mgon po khro bcu'i dbang bskur kyang mdzad | 'di skor khong nyid thugs dgongs gnas lugs zab mo'i dbyings su ha cang mtho drag pas zhal nas | mchog dman su yin kyang | sems khrid sogs kyi tshe | gnas lugs zab mo'i dbyings ni khyab brdal klong yang nyag gcig rid | de yang rang sems 'di'i gshis las gzhan du