[A:444] 'khor lo mang po | jo dar ches mang spar bzhengs dang | thar mdo'i rdo brkos sogs dang | gzhan yang bka' chos du ma dang | thar mdo | rdor gcod mang po'i gsung sgrog gi yon 'bul rgya che ba dang | thugs rten dngul gyi mchod rten gsum | rag gi mchod rten brgyad | bka' gdams mchod rten gcig rnams legs bzhengs dang | sa rdo'i mchod rten mang po la zhig gsos zhal 'debs snga phyi kun ches mang mdzad do | | de dag ni mtshon tsam ste rgyas par smos mi lang ba tsam yod |
de nas dgung lo gya gnyis gya gsum skor la zhal nas da ni khong gis dge ba byang chub chen por yongs su bsngo ched bzang po spyod pa'i smon lam ches mang 'don dgos | gsungs nas | de lugs ltar bsngo ba rgya cher mdzad | dgung lo gya gsum dus sbyor drug pa bden rtogs sogs brgyad | gzhan bskyed rim gcod mtshams pa sogs re dang bcas de kun la snga phyi kun tu | khong gi zhal nas | chos khrid gang gnang la thog ma'i sngon 'gro nas bzung ste gsung ba dang | khyad par dal 'byor rnyed dka' | 'chi ba mi rtag pa | las rgyu 'bras | 'khor ba'i sdug bsngal gyi tshul mdo dran pa nyer bzhag | byams chos klu sgrub kyi bshes spring | pha dam pa'i gsung rab | rgyal sras thogs med | kun mkhyen jo nang pa yab sras rje btsun bcas sogs kyi gsung rab rgya che ba las lung 'gren mang po go don dang bcas zhib rgyas dang | yang sgos las 'bras la spang blang legs par bya dgos tshul | dal 'byor gyi lus 'di la snying po nges par len dgos tshul | bla ma dkon mchog la yid gting nas gtad dgos tshul | byang chub kyi sems dang dmigs med lta ba mchog lam gyi srog tu bzung dgos tshul | rang gi skyon mtshang la gnong ngos blangs nas legs bcos byed dgos pa sogs lhag par yang yang gsungs pa slob tshogs kyi rgyud la gnad du khel zhing phan nges kyi zab chos snying dang 'dra ba mang dag nam dgos su bka' drin gyis legs skyong mdzad | bar bar slob tshogs la zhal nas | de ring gi snang ba dag pa rab 'byams kho nar song bas khrid mi thub | gsung ba sogs de 'dra 'ga' re yang mdzad kyin 'dug |
lo de'i zla ba brgyad pa'i nang la | khong gi zhal nas | da ni rang nam 'chi mi shes pas | dgon 'dir rgyal tshab cig kyang bsko bzhag byed dgos tshul gsung tshe | nye gnas dag gis bzhugs zhus re dang mya ngan mdzad pa na | zhal nas | da ni bla ma'i thugs chos sku dang rang sems bar du rta rnga tsam las med pas de dbyer med du nam song tshe rang 'chi ba yin la | khyad par nye gnas ngag chos 'di rang la sgo gang thad nas drin lhag par che bas kho bo la dge ba yod tshad mnyam thob yin | nam zhig rang dbang yod na khyod nges par mi brjed cing thugs rjes nus pa ji yod byed nges yin | shul 'dug tsha bu rnams tshos blo ldog rnam bzhis rgyud bsdams te sbyor drug gi zab gnad la nyams len mthar 'khol ma 'chugs na 'chi kha 'gyod med cig 'ong rgyu red | ces sogs zhal ta gang dgos kyi bka' mol zhib