[A:474]
khong nyid dar lnga'i ri khrod du phebs ma thag gi gnas skabs su ri khrod de'i gnas bdag kyang yid dga' ba'i ngos nas legs mtshan cir yang bsttan pas khong gis gnas bdag de la gsol mchod kyi bsang yig kyang legs bsgrig mdzad cing der gnas kyi the'u rang gi rigs phran bu mchis pa gang dag khong gis yi dam dbang chen mchog gi 'jigs gzugs kyis zil gnon mdzad de bka' dam khas blangs kyi bran du bkol nas bzhugs shig tu a skyong 'jigs phun gyis rang gi gter chos la thugs brtag zhus tshe khong gis nub gcig tsam la brtag dus thugs snang ngor gter chos kyi yi ge'i thog tu bye'u mthe bo le lta bu ches mang po zhig phyogs kun nas 'bab kyin 'dug pa'i gzigs snang byung bas 'di la gang ltar yang bdag tu byed mkhan zhig yod mod | dus dbang gis deng dus su 'gro don cher dka' bar dgongs nas de'i phyi nyin mor nyid kyi zhal gsung las | a skyong 'jigs phun la gsung ba | 'o da lan khyod kyis rab byung gtsang mas chos tshul bzhin zhig 'ong na 'di phyi gang du gyong kha med nges kyi sems thag nga rang gis chod tshul dang | de min dpon thob ji bzhin gyis mi'i lugs kha yang dag cig byas na 'thad tshul sogs kyi gsung bka' gnang ba ltar don gyi gnas tshod la'ang ji bzhin gnad khel du song | yang bar skabs su khong gis zab mo gcod kyi lus sbyin zhig gsung rtsom gnang ba'i mgo brtsom pa nas 'phro re zhig lus pa'i tshe thugs snang ngor mi min snang zhing srid pa'i lha 'dre sogs mgron gyi rigs mang po zhig nyid bzhugs pa'i sku mdun gzims chung gi phyi nang thams cad la khyab pa'i tshul du sdod 'dug pa zhag 'ga' zhig bar thugs snang rgyun mi chad pa byung ba la mgron rigs de dag gi re 'dod rdzogs pa'i phyir gcod mjug legs grub kyi gsung rtsom gnang rjes ohan chad du kun gyi re 'dod tshim pa'i tshul du rang gnas su song ste mtshams de phan nas snang tshul de 'dra yang ma byung skad |
spyir na rje dam pa gang gi gsung rtsom yang | rgyal chen rnam sras kyi nor sgrub rgyas pa'i cho ga dang | 'od dpag med kyi cho ga | bde chen zhing sgrub kyi tshul sogs sgrub chog 'don cha'i skor yang 'ga' re dang | bla ma chos 'byor gyi rnam thar dang | bslab bya'i gtam nor bu'i 'phreng ba sogs zhal gdams sna tshogs pa dang | ston pa'i mdzad pa bcu gnyis kyi dbu rtsom mjug lus pa sogs gsung rtsom yang du ma zhig yod la | khyad par khong nyid sku tshe smad kyi dus chos rje kun mkhyen chen po'i lta grub gzhan stong dbu ma'i zab gsang gi gnad thugs kyi dgongs mtshor ji bzhin mngon byas kyis rjen char nyams myong gi 'char sgo nges pa bkra ba nas bzung nyid kyi rang lugs dbu ma chen po'i bstan bcos shig mdzad pa'i skal ba yod tshe kun mkhyen ston pa bzhi ldan chen po gang nyid dgyes pa bskyed pa'i kun bzang mchod sprin ya mtshan pa kun nas spro ba'i mdzad bzang zhig dang gdul bya rjes 'jug tshogs la rdzogs ldan chos kyi dpal yon ngo mtshar ba'i dga' ston dus su thob nges shig tu gor ma chag kyang de 'dra'i las skal bzang po dus dang