[A:476] pa'i dbang gis bya thabs bral ba'o | |
yang nyin cig khong nyid nub thun du bzhugs skabs mdun 'dug tsha mo jo rgan mas phyug rnams 'tshol ba'i ched ri mgor song skabs mun ha cang nag pa'i mtshan mor 'jigs snang byung tshad pa na bla ma nyid gang byung cha med kyis byon te | gsung gsal pos | kho mo'i ming nas bzung ste ma skrag cig | | ces sgra gsal po dus rgyun byung 'dug pas jo mo'i sems la skrag snang gtan med du song nas sku gnyis cig char gyis 'jigs pa phran bu las legs skyobs mdzad pa dang | de'i phyis shig jo mo'i ming po la 'phral du dgras dug gi me mda' bzlog dka' ba(i mtshon ngar mas yang yang bsnun pas na dang po'i dus na bla ma khong nyid dran ma thub pas mda' mtshon gyis ji bzhin chod de ming po mi skya de'i sked pa shad phyigs su byas de nas bzung mi skya tang gis bla ma nyid dran pas khyed mkhyen zhes skad mthon pos ched du 'bod bzhin bros pa na de skabs me mda' ngar bas lus la thengs bzhi lnga tsam brgyab kyang gang gis kyang ma chod par mda' thams cad mi skya kho'i gos kyi rum du 'thor bar 'dug pa nye du rtsa lag gang dag gi mthong ba'i chos su gyur pa sogs 'jigs skyobs khyad 'phags mdzad pa'i lo rgyus yang mang po dam pa khong la rgyus yod dag gi ngag lam du ji bzhin gsal ba ltar yin la |
de lta bu'i dpal ldan bla ma gang nyid la klog pa thos bsam dang spong ba bsam gtan gyi 'khor lo'i rnam par thar pa rgya chen mnga' zhing bya ba las kyi 'khor lo yang sku rten sgrol ma'i gser sku khyad mtshan can dang | thub pa | 'od dpag med sogs sku brnyan du ma dang | gu ru mtshan brgyad | bde chen zhing bkod kyi zhal thang sogs thang ga yang 'ga' re nyid kyis blus bzhengs mdzad la | gsung rten yang sngon khong gtsang pa'i gzims khang du bzhugs skabs 'ba' mda' bla ma'i gsung gi lam rim dang | sgom rim gnyis spar brko ba'i bdag rkyen yang khong nas mdzad cing | dbu phar tshad ma sogs mdo sngags kyi gzhung 'grel khrid yig sogs kyi yig cha mang po sngar rjes kun tu nyid kyis bzhengs blus ci rigs dang | khyad par sku tshe smad du ri khrod kyi mdun thad chu'i pha ri lha khang thang du khong nyid kyis mdo sde skal ba bzang po'i rdo brko yongs rdzogs yi ge chad lhag dang bral ba'i zhus dag tshad ldan dbu yig gzab ldan sku gsung thugs rten gsum 'dzoms kyi gsung rten khyad par ba gdan khri legs pa'i steng du bzhugs gsol rab gnas mtha' rgyas dga' ston bcas rnam dkar legs dge bstan 'gro yongs kyi phan bde'i ched thugs smon zab mo dang bcas legs grub bgyis skabs 'di'i zhabs phyi ba bud khang mda'i mkhar ba rgad po bkra shis zer ba de yin pas khong nyid kyis de la thugs brtse ba'i ngang nas yon bsngo cung tsam yang mdzad pa ste | nyid kyi zhal nas | rgad po de la da lan rten bzhengs pa 'di'i legs byas la brten nas khyod la gnas skabs su rigs brgyud nyams phan zhig 'byung ba dang mthar thug rim