[A:487] zhig gi ming nas bzung ste de yang gson 'drer song | zhes pa'i gsung zur byung ba ltar phyis su don la lung bstan thog khel du byung ste mi de'i rang ngan gyi rtags ther bud du song | yang nyid 'dzam thang du bzhugs dus nyin cig glo bur du byon te bkra shis lha ri'i rang dgon du bla ma rdor bzang bzhugs pa'i rlung gegs khong gis legs bsal mdzad dus ma 'ongs pa na bla ma rdor bzang 'dis gtsang grwa yongs la phan thogs 'byung tshul gyi gsung zur cung tsam byung ba bzhin phyis su de lugs sngon gsal ji bzhin du gyur cing | bar skabs su bande lo nyung zhig gis gad mo chen po byas tshe | khong gis lkog gtam gyi tshul du 'o rang nyid nad ngan pas zin la nye ba mi shes par ci 'dra'i bgad re 'ong bar 'dug | ces gsungs pa ltar phyis su bande de mdze nad kyis zin | gtsang grwa'i bsrung rim spyi'i dus nyid gtsang pa'i mgon khang du bzhugs skabs phyi rol na yod pa'i glu ba dga' bde zer ba zhig gis glu len pa khong nas gsan ma thag spyan chab skad cig la byung nas dbu btums te yun ring bar bshum pa mdzad | de'i phyi nyin nangs snga tsam na glu ba dga' bde chus khyer song ba sogs sngon las kyi shugs lkog tu gyur pa gang dag thugs mngon shes kyis ji bzhin gzigs na'ang nyid kyi gsung zur dang lkog gtam gyi tshul dang sku'i rnam 'gyur sogs kyi cha nas gzhan 'ga' res ji bzhin dpogs pa ma gtogs nyid gsung las ji bzhin cher sgrog mdzad pa ni gzhi na mi dar zhing yon tan mtha' dag shin tu sbed pa'i ngang tshul gyis phyi nas bltas na mngon tshan chung zhing nang na yon tan gyi chod nges par che ba'i sngon byon bka' gdams gong ma'i mdzad bzang spar la btab pa ltar dam pa gang des dgongs nyams su ji lta ba bzhin lag len yo 'chug med par thugs rgyud la gnad du khel bar mdzad pa'o | |
dung lo zhe drug skor nas lha bzo rdo rje 'chang gi gdan sa rang phyogs kyi bkra shis lha ri'i dgon du khong nyid phebs te phal che bar ri dgon der bzhugs sing | skabs shig tu khong gis phur pa'i bsnyen sgrub tshad ldan mdzad dus su dpal chen rdo rje gzhon nu'i dngos zhal legs mthong gi dge mtshan nye bar byung ba la brten de phan nas nyid kyis yi dam gyi gtso bo phur pa la mdzad nas lha de'i sgo nas bsnyen sgrub mchod gsol rgyas pa dus dus su mdzad cing | 'di skor gong 'og ci rigs par sgrub gnas ri dgon gyi 'dus sde yongs kyis nan zhus dang bcas pas dam khong dang bla ma bso bzang gnyis dgon de'i rdo rje slob dpon du mnga' gsol na'ang khong gis rjes sor dgon de 'dzin bdag cher ma mdzad par re zhig bar bzhugs dus su nye bar mkho ba'i chos bka' gang dgos kyis re 'dod bskangs pa tsam byas | dgon der nyid bzhugs ring du khong gis bla ma blos tshul dang | bla ma legs byams sogs chos tshan 'ga' la phar phyin sogs gzhung lugs 'ga'i bshad khrid gnang | wa shul grong gi mchod rten bzhengs skabs su nyid kyis thig rtsa ba'ang mdzad cing | de dus su zhabs rkang 'bam gyis