[A:42] zhi bar gzims | | nAgabodhi sa mthar byon | | klu sgrub slob bcas sprin bzhin dengs | | sangs rgyas bstan pa'i nyi 'od yal | | mu stegs ngan pa'i mun pas khyab | | kye hud 'gro ba'i dmigs bu bral | | zhes pa de ltar bu'i yid 'byung dbang gis mig chu g.yo bzhin mya ngan las 'das par bshad do | |
gnyis pa dus 'khor bsdus rgyud phyi ma las | | khaTAMka dang rus rgyan cang te'u chang snod thogs pa nag po'i ming can 'byung bar 'gyur | zhes lung bstan pa'i slob dpon nag po spyod pa 'khrungs yul rgya gar shar phyogs gaura'i rgyal khams kyi nang tshan orubisha zhes bya ba bhaMga la dang cung zad nye ba'i phyogs der bram ze 'i rigs su 'khrungs | chung ngu'i dus nas blo rno zhing sgra dang sman dpyad bzo'i gnas thams cad la mkhas par byas | der sngon gyi las 'phro sad pas ye shes kyi rnal 'byor ma du mas zhal mngon sum du bstan | de nas dpal nAlendra zhes bya ba paNTita lnga brgya gnas shing chos shin tu dar bas der byon dge slong mdzad cing lo mang bzhugs nas sde snod gsum dang brgyud sde bzhi thos bsam gyis byang bar mdzad | sngags dang bsam gtan yang ci rigs grub | der bsgom zhing bzhugs skabs rnal 'byor ma mang pos zhal bstan byin gyis brlabs pas ting nge 'dzin khyad par can brnyes lung bstan pa ltar byang phyogs grong khyer dzalandhara na | grub thob dzalandhari pa bzhugs pa dang mjal | der zhabs la gus pas btud de rjes su bzung bar gsol ba btab pas skal ba dang ldan par mkyen nas dbang bskur gdams pa mtha' dag stsal te bsgoms pas lan cig na rtsig pa na thogs med du 'byon pa brag ri la yang bzhed na thal byung du bzhud nus pa | ting nge 'dzin nam bsgom tshe bdag nyid heruka'i dkyil 'khor gsal bar gzigs shing | lha de rnams kyis dri lan mdzad pa'i tshul gyis slob dpon rang gi the tshom chod pa | bstod pa dang rdo rje'i glu nam blangs pa na sa g.yo ba'am | me tog gi char 'bab pa'am | sgra 'byin pa'am | 'od snang bar byed pa byung ngo | | de skabs spyod pa bya dus yin nas dgongs pa na mkha' 'gros bzlog par mdzad | yang bsgoms pas re zhig na rim gyis ral gri | dngul chu | rin po che'i gter | ril bu sogs thun mong gi dngos grub mang po ched du ma sgrub kyang rang shugs kyis grub pa'i tshe | spyod pa'i dus sam snyam na bla ma dzalandhari pas ma gnang bar bka' bzhin yul pre ta pu rir mkha' 'gro skal pa bzang mo'i phyag nas rgyud kha sbyor thig le spyan drangs kyang mkha' 'gro ma la rtog dpyod cung tsam byas pas mchog ma thob | de nas bla mas rus rgyan zhig o rgyan yul du mkha' 'gro ma la byin rlabs zhus tshul du nag po spyod pa mngags te byon | mkha' 'gros byin gyis brlabs te mdud rgya dang bcas phyir bla ma la bskur ba na nag po spyod pas bla ma la rus rgyan phul ba'i sngar nas mdud rgya bshig pas mchog ma thob kyang rig sngags 'chang chen po yin phyir bla ma dang