[A:500] nyid kyi rdo rje spun dang thugs slob yon bdag bcas la nyer 'tshe ji ltar yod med tshe tshad ring thung ci tsam sogs dang | gshin po gang dag bar do'i skabs nas skye srid phyi ma rab 'bring tha ma'i gnas tshul ga 'dra yin la sogs pa gson gshin dag gi phyis 'byung lkog tu gyur pa'i yin lugs gsal brjod kyi lung bstan don thog tu khel nges dang rnam par thar pa rgyas pa ches mang na ji bzhin gyi khungs med pas re zhig de tsam las brjod kyi ga la lang |
'on kyang sa bon de tsam du bkod zin nas mdzad bzang de 'dra'i tshul rim pas mthar phyin te ljongs 'dir re zhig gi gdul bya nye bar rdzogs pa'i rnam can gyis gang nyid kyi thugs dgongs chos dbyings su nyer bsdu mdzad de gshegs mchod dgongs rdzogs kyi rnam par dkar ba'i bgyi ba rjes 'jug slob bu rnams kyis legs par grub nges su byas shing | de rjes su rje khong nyid kyi slob brgyud rim byon rnams dang nyid kyi sku phreng sku skyes 'ga' re bcas kyis rang dgon yar thang gi chos sde kun nas legs skyong gi mdzad sgo yang da lta'i bar rgyun ma chad tsam byung ba 'di ka ltar lags so | |
ngag dbang bstan 'dzin bzang po |
21. gtsang chen sku phreng gsum pa'i thugs sras gtsang pa dge slong gi dngos slob khyi lo ma'i bla ma'i slob mar gyur pa glang 'bud dgon gyi rdo rje slob dpon bla ma ngag mchog gam ngag dbang bstan 'dzin bzang po zhes bya ba'i lo rgyus yang 'dzi sribs ka thog sa'i char yab ka thog dpa' skyong dang yum bse mtsho gnyis kyi sras su dam pa 'di nyid sa glang lor sku 'khrungs | de nas sku rang mgo ma thon pa'i dus na rig pa gzhan phal las gsal ba na son skabs shig nas klog kyang bslabs pas ji bzhin shes pa byung zhing dgung lo bcu gsum gyi steng tsam la 'dzam thang gtsang pa'i gzims khang du 'ong nas rdo rje slob dpon chen po ngag dbang chos 'byor zhabs pa'i drung nas dus kyi 'khor lo'i zab lam sbyor ba yan lag drug gi dbang lung zab khrid yongs rdzogs zhus nas nyams len gong ma'i phyag bzhes bzhin dam pa 'di nyid kyis legs par mdzad cing | 'di skabs ci rigs par rje bla mas khong la ngag mchog gam ngag dbang bstan 'dzin bzang po zhes gsol | de dag gi dus su rtogs ldan mkhas grub dbang po bzhugs kyang nyid kyis chos bka' rgya cher mi mdzad la sku dngos mthong ba dang zhal brda sogs la brten nas dam pa 'di'i thugs rgyud la phan pa che rab byung |
dgung lo nyi shu'i skor de mtshams nyid kyis bskyed rim 'ga' re dang | gtsang pa'i sgrub grwa la mtshams sgrub lo 'gar yang mdzad | de skabs rje bla ma'i drung nas snga phyir chos bka' yang mang tsam gsan la | dgung lo sum cu'i skor sogs su dza 'go'i dgon gyi byams phug tu dge bshes blo bzang mchog grub rgya mtsho'i mdun nas bla ma rig mchog | 'gya ting sogs dang mnyam du dam pa 'dis snga rje ci