[A:505] pa'i snang ba shar tshe khong gis de dag la lus longs spyod ltos med du gtong ba'i thugs dmigs bcas kyis phyag gis dkar yol rgyang ring du 'phangs kyang de la gnod skyon gyi chag gas yang ma byung la | res 'gar nyid kyi thugs nyams su rang sogs gnod 'tshe'i rigs gyur ches mang po bsgral ba'i gsal nyams yang yang byung ba sogs kyi mdzad sgo dang | snga phyi kun tu sa dmar bla ma snyan grags kyi drung du | dam pa 'dis spyir rgyud sde rab 'byams yongs rdzogs | dus 'khor lhag dgu'i dbang | rin 'byung | gcod gnad don snying po'i lung khrid | rdo rje 'phreng ba yongs rdzogs | sbyong rgyud bcu gnyis | dus 'khor dbang chen | naigu bka' phyi nang | gshin rje rab 'byams | phur pa | grub thob brgyad cu | rjes gnang brgya rtsa | 'od dpag med myur lam | spyan ras gzigs gangs ri ma | rta phyag khyung gsum rjes gnang sogs chos bka' mang po gsan |
rje 'di nyid kyi dgung lo nyer lnga skor sogs nas khong gis gzhan ci rigs la chos khrid nyung shas re gsungs pa nas bzung 'gro don mdzad pa'i 'go tshugs pa yin la | dgung lo sum cu so gsum skor nas bzung de mtshams shig la 'gam stod stag lung ri khrod du nyid bzhugs skabs bar 'gar nyin zhag bco lnga tsam gyi ring la zhal zas ye nas ma gsol bar sku bsgul bskyod bral ba'i ngang nas thugs mnyam bzhag gcig la 'byams par gyur te 'od gsal gshis lugs nam mkha'i rnal 'byor du khang nyid legs bzhugs kyi dus su na bza' dang bzhugs khyim bar phan tshun sdom gyi ba rgyas sprel bzhin sku lus steng du rdul mang pos kun nas g.yog par gyur cing tshul de 'dra'i mdzad sgo bzang po yang nyid nas bar bar gnang la | 'di skor ci rigs su nyid mdun du yang yang 'ong ba'i bye'u chung ba zhig yod pa la khong gis thugs smon rnam dag mdzad pa'i stobs kyis rjes sor sku tshe smad du bye'u de nyid tshe 'phos pa grwa btsun na gzhon du gyur te rje dam pa'i chos gral du tshud nas thugs sras bu slob tu gyur skad | bbrag dkar sprul pa'i sku'i zhal snga nas rgyal ba'i bka' chos yongs rdzogs kyi bklag lung dam pa 'dis kyang gsan la | sbyor drug nyams mgur gyi zhu ba mdzad |
yang skabs shig nas nyid tsha kha'i ri btsun ma'i sgrub phug tu bzhugs skabs su zhag bzhi bcu rtsa gnyis ring thugs mnyam bzhag gcig gi ngang du legs bzhugs kyis dus 'da' bas nyid kyis de bar zhal zas ma gsol zhing sku la g.yo 'gul med par rgyun bzhugs kyi tshe khong gi thugs snang ngor bar bar ma mkha' 'gro'i tshogs 'khor la longs spyod pa'i dga' ston myong bas zag med bde chen cir yang 'phel ba dang | chabs cig gnas bdag rdo rje grags rgyal mas kyang dam chos legs sgrub kyi sdong grogs rgya che ba dang bcas nyer bzhugs skabs rang nyid kyi zhabs rkang 'bam gyis bsnyung ba na gnas bdag gi bskul mas rje nyid bsu mkhan nye skor gyi yul sde'i mi 'ga' zhig byung nas de dag gis brag