[A:508] 'byung cha tshang gi zab dbang | naigu bka' phyi nang yongs rdzogs kyi dbang bka' rnams gnang zhing bar bar dus 'khor dbang mo che re'ang gsungs la mar me'i mchod pa ches mang rgyun du mdzad pas lo bstar bzhin mar me khri mchod lhag gi grangs rgyun 'dzugs kyang byung | chos sgar der sha ra 'khor bla ma tshul rnam gyi sku tsha dug nad kyis zin pa sbyor drug tu bsdad pas de la dug nad gtan sangs su song | yang sba gsar bla ma'i tsha bo skran nad kyis btab pa zhig yod pa de lkog bros su chos sgar der 'ongs nas sbyor drug la bsdad nas 'khrul 'khor gong ma'i skabs tsam na skran nad las legs par grol bas der gnas kun dad pa ches 'phel bar gyur to | |
yang dam pa 'dis rang gi slob bu mkhrin nad kyis zin pa zhig la zho phor ba gang blud pas de ma thag slob bu de mkhris nad las thar pa dang | yang gang gis slob ma ske skrang gis thebs pa sku mdun du bos nas mi bde ba'i nad de rlung gi rang bzhin du ngo sprad de nyid kyis slob bu phyag rten byas nas ri 'go sogs su khrid pa tsam gyis ske skrang gi nad las legs par grol bas kun ha las pa'i ngo mtshar skyes par ma zad sngar khong nyid gtsang pa'i gzigs khang du bzhugs skabs su nyid kyis rme ba'i mi khris nad kyis btab pa zhig khrus dang phyag gis mi de'i snying gar gtad pa sogs byas pas mkhris nad 'phral du zhi song de 'dra mang tsam bdog la |
khong gis de skabs shig tu slob tshogs la tig le dbab bzlog sogs kyi khrid gsung skabs khong nyid 'phar g.yo'i rnam pas rang gi sku lus la phyag mdzub kyis kun nas reg par mdzad pa'i mod der gnas thugs slob 'ga' zhu bde'i nyams 'ur lang ba lta bu byung ba sogs byin rlabs kyi mtshan ma che rab tu yod | yang nyid mgo log chos sgar du bzhugs skabs slob bu zhig shi ba mang pos 'pho 'debs byas kyang 'pho rtags ma byung tshe khong la de lugs zhus pas nyid kyis dgong thun dus su thugs dmigs tsam byas pas slob bu shi ba'i ro mgor tsag sgra dang bcas tshangs bug rdol zhing phyis su bya 'bod skabs thod rus bcag yod pa mthong gsal du gyur skad | yang nyid kyi sku tsha zhig gis bud med ri mgor bor song ba khong la thugs brtag zhus tshe zhal nas | bud med gson po yin tshul gyi zhal gsung gis de la gzhin chog dge rdzogs mi dgos pa'i thugs thag yang yang bcad pa bzhin rjes sor bud med thon byung ba'i skabs su mos yin lugs bshad pa | kho mo skya mi mang pos bskor yod pa de 'phral rje bla ma nyid spyan ras gsal ba zla dkar cha kun rdzogs pa ltar mdzad nas phebs byung ba de'i zhal nas | khyod rang khyim du song zhig | ces gsungs pa bzhin mo yang khyim du thon tshul zhib par bshad do | |
dgung lo re gnyis par rje nyid kyis lam ko'i mkhan po gsang sngags dang | mgar ba bla ma 'jam dbyangs sogs 'dus pa sum brgya lhag la dus 'khor lha dgu'i dbang bskur gnang zhing khrom