[A:44]
bzhi pa rong zom chos bzang ( snga 'gyur rnying bka' ba ) ni bod ru bzhi'i nang nas gtsang ru lag smad kyi snar lung rong du | yab rong ban rin chen tshul khrims zhes pa'i sras su 'khrungs | chung ngu nas rgya gar skad kyis chos tshig gsal por gsung ba rang gi mes po rong ban yon tan rin chen gyis paNTita smRti jNnAna'i skye bar lung bstan | jo bo rje lha cig dang rong gi chu tshan khar mjal skabs nyid kyi phyag mgo la bzhag nas legs sbyar skad kyis dri ba gang mdzad kun la lan thogs med btab pas jo bo rjes thugs ngo mtshar ba'i ngang nas nag po spyod pa'i skye bar lung gsal bar bstan no | | de nas dgung lo bcu gcig nas mtshan nyid kyi lung chos sbyangs pas bcu gsum man gyis gsan pa rdzogs te shes bya thams cad la ma rmongs par grags | yang mgar ston tshul khrims bzang po dang mdo ston seng ge rgyal mtshan pa'i drung nas chos gsan skabs re zhig mnal lam du rgyud gsang ba snying pos zan byas sangs rgyas mnyam sbyor gyis tshod ma byas nas gsol bar rmis pa slob dpon la zhus pas de gnyis khong du chud pa'i rtags su gsungs ( ma wig bris mar | gzhan yang bla ma gtso che ba rje 'bangs nyer lnga'i gras bre rgyal ba'i blo gros kyi gdams ngag la brten pa kho na'o ) | 'di skor du yul mis mtshar gtam sgrog pa | mul pa mtshur ston yi ge mkhas | chog sgrigs gangs kyis mi grags mkhas | | sgra tshad mgos lo khug pa mkhas | | thams cad 'dzom pa chos bzang tsam | | zhes zer skad | der rtsom pa | tshig gi mdo rgyas | rgyas 'grel | yan lag bcu lnga pa | mnyam sbyor 'grel chen | rdzogs chen lta sgom gyi man ngag | gsal ma'i ngan song sbyong rgyud 'jigs byed dgra gdong la sogs pa'i rnam bshad sogs mang po mdzad skabs su bod ru bzhi'i dus mtshungs kyi mkhas pa ma lus pa rtsod pa la byon te dag ther byas pas kun ngo mtshar du gyur te bla mar bkur | gzhan rgya gar gyi paNTita mang po las kyang phyi nang gi rig gnas man ngag dpag med zhus te mthar phyin par mdzad | nyams len dang gzhan don snga 'gyur kho na la mdzad | ma gzhin phur pa'i bsnyen sgrub mthar phyin | nus mthus bod kyi yul lha sde brgyad kun kyang dbang du bsdus rang rang gi srog sning phul | brag gzar ba'i ngos la gshegs bzhud sogs rdzu 'phrul du ma bstan | sku tshe'i smad la legs sbyar skad kho na gsungs shing rang gi sras mo ye shes mkha' 'gro dgung lo bcu drug tu rgyud bshad gnang bzhin sku lus dngos kyis mkha' spyod du gshegs pa sogs ngo mtshar ba mang ngo | |
lnga pa bharom dar ma dbang phyug ( mar ba bharom bka' brgyud ) ni | 'phan yul rig pa'i 'byung gnas su yab ston pa blo gros 'byung gnas dang | yum jo mo chung ma zhes pa'i sras su lug gi lor 'khrungs | dgung lo bdun pa'i skabs | bod med mkha' 'gro'i rtags mtshan can zhig gis nga yang dwags po lha rje'i slob ma yin bla ma de dang khyod la las kyi 'brel ba 'dug ces zer ba dngos su byung |