[A:520] dbyings zhes bya ba'i gter lung las kyang dgon pa'i sa gnas 'di zhig tu rgyud sde'i rdul tshon gyi dkyil 'khor la brten nas sgrub mchod che ba mdzad pa'i gnas su legs par 'gyur tshul gyi rdo rje'i lung zab mo nges par byung ba dang | bde phu chos rje byams pa dkon mchog bzang pos gnas de ma 'ongs par chos kyi 'khor lo bskor gnas su red tshul sogs kyi sngon byon dam pa'i skyes chen gang dag gi bka' lung yang yang dus su byung ba ste | dge ltas kyi mtshan ma yang dgon 'di ma chags pa'i sngon gyi lo 'ga' nas dbyar 'bring gi dus su me tog so sor khyad mtshar can rtsa ba gcig gi ngos nas gyes pa'i me tog 'dab ma bdun brgya lhag tsam gyi ze'u 'bru rab tu rgyas pa zhig dang | ze'u 'bru de tsam ma rgyas kyang 'dab ma lhag par rgyas pa zhig dang | cung zad kha 'bus pa tsam gyi me tog ste rigs mi gcig pa'i me tog gsum sdong bu gcig las 'khrungs pa lo dus bzhin bar skabs la byung ba'i legs mtshan dang bcas rab byung bco lnga pa'i nang tshan lcags pho 'brug gi gnam lo shar ba na rje dpal ldan bla ma kun dga' yon tan rgya mtsho khong nyid legs phebs kyi sgo nas lo de'i hor zla dgu pa'i nyin gza' skar sbyor byed phun tshogs kyi dus su rje bla ma dam pa de nyid kyis sa 'dul sbyangs bzung lto 'phye brtag pa sogs mdzad nas zhal gsung las kyang | spyir rang cag gi yul 'di rnga'i dbyibs su yod phyir rnga khog ces pa'i ming chags shing yul de'i dbus tsam na rang re'i sgon gnas 'di yod cing sa phyogs gang 'di la rgya nag lugs kyi bsrung bzhi dang gtsug lag rnams nas bshad pa'i gdan gsum gyi mtshan nyid sogs spyir gyi phyi'i legs mtshan dang khyad par gnas gzhi grub gsum chos 'byung e yig gi rnam pa dang gtsug lag khang 'di nyid de dbus su baM (waM) yig bde ba chen po mtshon byed kyi nang gi dge legs kyi mtshan ma nye bar tshang zhing | yang sgos su bde mchog rtsa rgyud las gsungs pa ltar gyi sman ljongs chu bo chen po'i dogs dag tu yi dam gyi dkyil 'khor nyer sgrub mchod pa'i gnas su 'os tshul dang mthun par zhib rgyas kyi bka' phebs kyang gnang ba sogs mdzad sgo rgya che ba dang bcas gnas gzhi de nyid du dge 'dun 'dus pa'i gtsug lag khang legs bzhengs kyi dbu tshugs pa nas bzung rim pas lo du ma zhig gi ring chos gzhi'i dgon sde nye bar 'phel nges nas lo skor phyi ma chu 'brug gi lo tsam na dpal mgon drakSad ye shes kyi chos skyong mchog gi sgrub pa'i mgon khang gsar bzhengs kyi nang du dpal rig 'dzin rnam snang rdo rje gang nyid kyis rten rdzas rtag gtor btsug ste gtor sgrub rgyun gsol gyi sgo nas rim par lo ngo nyer lnga tsam song skabs pha rol 'gas phod gtsug 'gran zla byed pa la mgon khang der 'dus pa mang tsam gyis rbad bskul zhag nyer gcig tsam byas pas sgrub gnas kyi nang rnams su khrag gi thigs pa kun nas 'babs pa dngos gsal du byung ba sogs kyi nang rtags dang | cher ma 'gyangs par da dgra bdo ba dngos su chom pa'i phyi rtags kyi grags snyan kyang che rab byung la | de 'dra'i nges don gyi chos gzhi'i