[A:527]
de lta bu'i mdzad pa mchog gis dus 'da' bzhin rje bla ma nyid ring zhig tu bzhugs pa'i mod khong dgung lo lnga bcu nga lnga chu sprel gyi lor rang gnas 'brog dge dgon khong gis kun spyod dag ther mdzad de dgon de'i bla grwa mchog dman thams cad 'dul khrims yang dag gis kun nas mdzes par byas shing | chu nyid du ma nyes thar mo dgon gsar 'debs kyi sgo nas dgon de la bkra shis phun tshogs gling zhes btags la | 'di skor ci rigs par tshes mda' a dpa' dgon yang dag ther gyis bla grwa yongs la kun spyod gtsang nges byas te rim pa bzhin khong nyid kyis gong smos ltar se dgon pa'i chos gzhi gsar 'debs kyi dbu nye bar 'dzugs par mdzad ngos nas rang re'i bstan pa la sgo kun tu phan pa rgya cher yun ring po zhig la legs par mdzad rjes nyid kyis dgung lo bdun cu don gsum lcags stag lor gzugs sku'i bkod pa bsdus nas re zhig phyogs 'di'i gdul bya rdzogs tshul mdzad do | |
rje gang gi thugs sras bu chen mchog gyur ni dpal rig 'dzin rnam snang rdo rje ste sngon rje btsun thams cad mkhyen pa'i sprul par grags pa a mchog rin po che dkon mchog bstan pa'i rgyal mtshan gyi yang srid nyid du slar byon gyi mdzad sgo legs par gnang ba ni rig 'dzin rnam snang ba 'di ka nyid du grags shing | de yang khong nyid sku chung ba'i dus nas jo nang kun mkhyen chen po'i zhal gzigs kyi snang bas yang yang rjes su bzung ba dang | lha chen legs ldan drakSad kyis mdzad 'phrin dus su nye bar sgrub cing nges don rang lugs gzhan stong dbu ma'i lta grub kyi dgongs don dpyis phyin pa rim pas thugs su 'khrungs nas gsang chen rdo rje theg pa'i nyams myong gi klong nye bar rdol te khong nyid kyis rje rgyal ba gnyis pa jo nang pa chen po'i nges don rdzogs ldan chos mchog zab mo mdo sngags kyi gnas lugs mthar thug gi de nyid du lung dang rigs pas gzhan dag la rtsal thon mdzad bzhin rgyal bstan mdo dang sngags kyi gsang lam thugs nyams su byang chub ste gzhan don de lugs bzhin nye bar spyod pa'i rang re'i nges don gyi bstan pa'i rtsa lag che ba snyigs ma'i dus su 'gran zla dang bral ba'i skyes chen mchog tu gor ma chag pa zhig tu 'dug pas sku tshe smad du 'di'i mtshan la a lags grong mang sang zhes grags snyan shin tu che bar gyur te bshogs chung dge bshes kyis khong gi zhabs la gtugs pas jo nang dol chung ba zhes bsngags pa'i me tog 'thor ba'o | | sngon gyi rje bla ma 'brog dge yon tan rgya mtsho rtsi nang dgon bdag tu bzhugs skabs byang bla brang gis dus 'khrugs tshabs chen bslang ste rtsi nang dgon la chag god che ba byung dus su'ang rje grong mang ba gang gis chos skyong khyab 'jug chen po gnod byed bstan dgra'i thog tu rbad bskul mdzad pas lo zla ma 'gyangs par gza' rgod med dpung chen 'jigs zil bzod par dka' ba'i rnam pa nam mkha'i bar snang la dgong mo'i dus su nges par rgyug cing de'i drag btsan ngar ma'i dug grib kyis pha rol nyes can dag gi gtso blon zhe gnag pa rnams skad cig la bsgral te gnod byed dpung