[A:529] dge gong ma zhes pa'i ming chags | de nas rim par 'brog dge gong du gdan rabs kyang chos bka' dbang lung gi brgyud 'dzin 'brog dge kun dga' bkra shis | mkhas dbang sangs rgyas rin chen | dkon mchog yon tan rgya mtsho sogs dang | dbon dkon mchog blo gros | dkon mchog chos bzang | 'jam dbyangs mkhyen rab kyi bar rnams byung la | 'di phyogs kyi sde dgon yang srib dgon bar dgon nyin dgon gsum yod pas snga ma srib dgon ni shar mtsho nam mkha' rgyal mtshan zhes pa'i mkhas grub gnyis ldan zhig byung ba des gsar 'debs byas pa nas bzung dgon der brgyud 'dzin gyi bla rabs gsar dbon nam mkha' rgya mtsho | gsar dbon yon tan rgya mtsho | gsar dbon bsam gtan rdo rje | a sdom mkhyen rabs ye shes kyi bar rnams rim pas byung zhing | bar dgon ri khrod kyi rnam pa zhig ste | de yang zhang chen sgang rgya mtsho | chu chos grags dbang phyug sogs skyes chen du ma rim bzhin du bzhugs la | phyi ma nyin dgon du jo nang rgyal tshab kyi dngos slob mkhas grub gnyis ldan gyi khyi gu rab 'byams nas bzung bla rabs kyi brgyud pa rim pas byung ste dbon 'jigs med phun tshogs kyi bar du rgyun ma chad pa'o | |
yang 'brog dge thog ma'i slob dpon gang nyid dngos slob 'jam dbyangs bstan 'dzin bzang po ni | sku na gzhon skabs 'brog dge chos rje nyid yun rin po tsam la khong gis bla mar bstan nas chos bka' mang po gsan sgom mdzad pa dang | khyad par 'khor lo tha ma'i mdo rnams dang de dag gi dgongs 'grel byams chos sogs nges don gzhan stong gi chos skor la sbyang ba che rab kyis rtsal thon mdzad pas 'di nyid rang lugs thun min gyi lta grub 'dzin pa la ches mkhas gnas khyad par ba legs par thob cing | de mtshams ci rigs nas dam pa 'di nyid jo nang du phebs te khong gis | grags pa dpal bzang gi dngos slob kun dga' rin chen gyi drung du | gcod skor cha tshang dang | rje cha lung grub chen sku dngos bzhugs kyi zhal snga nas | rang re'i chos bka' dbang lung khrid gsum ches mang po gsan la | de nas nyid sa skyar phebs te sngags 'chang chen po kun dga' bsod nams bzhugs pa'i drung du | 'jam dbyangs bstan 'dzin pa rang gis dbang lung mang po'i chos bka' legs thob kyi sgo nas sngags 'chang mchog gis 'brog dge'i dbon nyid la che ba'i bsngags brjod kyi bka' shog dus su gnang ba sogs rang don gyi rnam par thar pa rgya che zhing khong nyid sku tshe smad du tsha kho'i sa chen skyong ba tshe dbang drag rgyal gyis dbu blar gus pas legs bkur dang nyid kyis nang so bla chen snying po snang mdzad la zab bka' rgya cher stsal bas mtshon che dgu dpon du ma'i gtsug nor du gyur pa dang | khong gis chos sde bsam gtan gling gsar btab byas nas dgon der rdzogs ldan chos mchog gi 'chad nyan rgya cher btsugs shing de nas nyid sog yul du rgya nag ye shes rdo rje'am sog khal rje btsun dam pa blo bzang bstan pa'i rgyal