bzhengs kyi rten khang pho brang dang de'i nang du rten gsum khyad 'phags du ma byin ldan bzhugs su gsol ba sogs mdzad sgo rgya che ba tsam du yod la | de nas mtshams shig tu khong nyid jo nang rtag brtan du grwa sar phebs te grub chen cha lung ba sku dngos bzhugs kyi drung nas rje btsun tAranAtha'i bka' 'bum skor gtso bor gyur pa'i jo nang rang lugs kyi chos bka' rgya che ba legs gsan mdzad cing | khyad par jo nang chos brgyud 'dzin pa dge slong chags pa chos 'phel bya ba sngon rdzong 'og mar sku 'khrungs nas rjes sor rtag brtan du grwa sar zhugs te mdo sngags gzhung lugs rig gnas la mkhas gnas thob cing nyid kyis gong sa rgyal ba'i dbang po'i drung du gzhung rgyugs phul bas mkhas pa'i snyan pa che zhing | zla ba gcig tsam gyi ring khong gis sman rgud bzhi po dang dus 'khor rgyud 'grel thugs la byang chub par nus pas sde srid sangs rgyas rgya mtsho'i drung du'ang nyid