[A:46] bar bsdad pas rin po che'i sku yal |
de nas dgung lo nyer brgyad nas bla ma'i bka' bzhin byang 'bab rong du tshe dang sgrub par mnyam par byas nas rgyags skyel mkhan min pa sus kyang mi mthong bar sgrub pa mdzad | thugs byams pa'i stobs kyis ri dwags bya rigs sogs kyis gus 'dud 'bul zhung | stag lung pa dang | 'bri gung pa sogs dam pa mang pos bsnyen bkur mdzad | ma mkha' 'gros rtag par rjes su bzung ba gang gi tshe dgung lo don gsum lug lo'i gnyis pa'i tshes gnyis kyi nam phyed la ngo mtshar che ba bcas sku gshegs so | |
drug pa awadhutI 'od zer dpal ( shangs pa bka' brgyud ) ni | gtsang nyang stod gnas rnying gi gtsug lag khang las cung zhig phyin pa yul zhes pa'i ri khrod du awadhUtI'i tshul 'dzin rnal 'byor pa mdze skyas lus btab slong mo'i 'tsho bas chog shes pa zhig tu 'khrungs | khyung po'i rnal 'byor pa chos skyong gi mnga' dbang bskur ba | la stod pa dkon mchog mkhar | zhes pa'i drung nas gdams pa dang rjes gdams kyi sgo du ma nod pa'i rnal 'byor gyi dbang po nyin par slong mor rgyu ba'i tshul dang nub mor brag skyabs gang yin du gzims pas nang yang dag rnal 'byor mchog gis dus 'da' bar gyur to | | de'i tshe bla chen grags pa rgyal mtshan gyis sras | | gsal ba dbang phyug grags | nub pa rig 'dzin grags | bandhe bshes gnyen grags | dkar shAkya grags ste bzhi las | mched snga ma gsum gyis sku 'dra re bzhengs nas bla chen pas rab gnas kyang mdzad | der dkar gyis sku 'dra bzhengs par brtsams na bla chen pas da dung nang gzhug khyad par can gyi dus la ma bab gsungs nas re zhig bzlog | phyis awadhUtI pa sku 'das pa na bla chen pas dkar la da khyod kyis sku 'dra bzhengs dgos pa'i dus la bab ste | | khyod nyang stod phyogs su song dang de'i ri sul zhig na nag po spyod pas 'gro don du mdze bo'i lus gzugs bzung nas yod pa da lta 'das song bas de'i dbu thod bregs te long shig | 'dir rten gyi nang gzhug tu sngar nas dmigs pa nyid do | | ces lung bstan pa ltar dbu thod blangs nas bla chen pa'i phyag tu gzigs tshe thod par bde mchog lha re gnyis pa'i dkyil 'khor yongs rdzogs gsal bar dod 'dug pa de sku 'dra'i thugs kar gzhug go zhes grags skad |
bdun pa zhang ston 'brug sgra rgyal mtshan ( rnying ma pa ) ni | lhu 'bri mtshams kyi gnas su zhang sngags ratna'i ming can dang | yum sras skyes sman zhes pa'i lhums su sku bltams yab yum gyi rmi ltas bzang po sogs ngo mtshar ba mang | sku 'khrungs dus nam mkha' las glog 'od dang 'brug sgra sgrogs pas yab kyis mtshan 'brug sgra rgyal mtshan du gsol | der yab rang gis yi dam gshin rje dus dgra nag po'i dbang bskur | bskyed rdzogs kyang gnang bas | bzlas sgom mdzad pas dus dgra'i sku'i rnam pa