[A:536] de nas rim par dbus gtsang du phebs nas mtshur phug gi gdan sar karma pa zhwa dmar nag gnyis dang mjal te | de dag gi drung nas slar dge bsnyen zhus mtshan karma bstan pa mtha' rgyas zhes bya ba yin | stag snar dre ho blo bzang chos kyi dbang po dang mjal nas chos bka' ci rigs 'dis gsan skabs shis brjod bcas kyis mtshan gsal ba ni dpal rig pa'dzin pa chen po zhes so | | spyir tshe dbang ba gang gi zhal nas | khong nyid gting skyes rgyal po'i sras bla chen ye shes rgya mtsho'i skye bar gsung la bla chen ni rje btsun rin po che nyid dang thugs rgyud kyang gcig chog la | de nas dre ho'i lung bstan ltar khong nyid chos rje kun bzang dbang po dang mjal bar phebs kyang re zhig dus ma 'dzoms | de nas khong rim par deng ri | snye nam | bal po | skyid grong | ri bo dpal 'bar | gangs te se | mi la'i rdzong drug sogs gnas chen mang por phebs nas rten gsum du ma la phyag mchod smon lam dang bcas mkha' 'gro'i cho 'phrul che ba zil gyis mnan | de rjes su sngar gyi lung bstan ltar slar yang chos rje kun bzang dbang po'i drung du khong nyid byon te rang gis rje btsun rin po che'i bka' 'bum skor gyi dbang lung dang dus 'khor dbang sbyor drug sbyor drug zab khrid sogs chos bka' ci dgos thams cad gsan pa'i skal ba byung zhing | de nas la stod byang nas brgud chu mig brgya rtsa 'grim ste rim pas mon rong gi dur khrod du nyid kyis spyod pa mdzad pas gnas lugs ki gal gnad thugs la 'khrungs | grub mtha'i bzhed lugs sna tshogs ma 'dres par ji bzhin mkhyen |
de nas lha sar phebs te khong gis bshes gnyen byams pa dang chos kyi 'bel gtam bzang po mdzad rjes su 'brug pa thams cad mkhyen pa la jo nang rje btsun gyi bka' 'bum las byung ba'i sgrub thabs rin 'byung cha tshang gi dbang bka' rgyas par bskur | de nas khong gis lha mo rig byed ma'i sgrub thabs shig gter nas bzhes te rgyal dbang sku phreng bdun pa skal bzang rgya mtsho la chos skal du legs 'bul mdzad | zhwa nag bcu gsum pa bdud 'dul rdo rje dang zhwa dmar bcu pa chos grub rgya mtsho rnam gnyis kyis jo nang chos skor sogs zhus te che ba'i bla mar bkur | skabs der bod sde gzhung gi bka' blon bsod nams stobs rgyas sogs kyis bla mar bkur ro | | de rjes su rje tshe dbang nor bu khong nyid kyis si tu rin po che la sgrol ma rnal 'byor ma | dus 'khor sbyor drug | gdan bzhi'i khrid | rwa lugs 'jigs mdzad dang dus 'khor skor | sa lugs kyai rdor | rwa lugs ro langs brgyad skor gyi dbang rnams dang | dus kyi 'khor lo'i bdag po bdag chen gyi rdo rje slob dpon chen po'i bka' dbang dang bcas legs par gnang nas khong dang si tu gnyis lhan rgyas su bal yul du phebs nas rang byung mchod rten gyi drung du slar khong nyid kyis paN chen si tu la 'od gsal rdzogs pa chen po'i snying thig ya