[A:538] sgo thams cad du brtson spro 'bad pa lhur blang gis dus 'da' ba las skabs 'gar gnod 'gal phran bu byed pas glags mi rnyed par mdzad pa dang cha rkyen rdo gter phyogs shig nas thon par mdzad la | yang khong nyid kyis sku zhabs 'brug pa'i sku gegs bsal nas 'brug pa la chos bka' rgya cher gnang zhing gnas der rdo la zhabs rjes gsal po bzhag | nyin cig khong gi gzims gur thog tu glo bur rdo chen po'i rbab 'gril byung ba nyid kyis skad cig la sdig mdzub gtad pas gnod pa de 'phral bzlog byas pa sogs ngo mtshar ba'i grub rtags mngon mtshan can ches mang gi sgo nas yul der mchod rten chen mo ma gzhi tsam yod pa la zhig gsos kyi tshul yin kyang thams cad nas gsar bzhengs lta bu'i las chen gyi bgyi ba rlabs po ches rten bzhengs che rab mdzad dgos byung ba nas de mtshams re zhig gi tshe rje khong gi zhal nas | sku 'khor du gtogs pa'i dpon bstan 'dzin rdo rje sogs la mchod rten bzhengs 'phro legs grub dgos tshul gyi bka' chems zhib rgyas gnang mthar phag lo'i hor zla brgyad pa'i nyer lnga'i nyin khong nyid dpal pad ma 'od kyi zhing du gshegs par gyur nas rjes sor de lugs bzhin gyi rten bzhengs 'phro yang legs grub mthar phyin gyi skal ba byung zhing rje 'di nyid sngags rnying ma yin kyang rang re'i chos bka' chen po'i srol bzung gi sgo nas 'dzin skyong spel gsum rlabs po che'i mdzad bzang nye bar mnga' bas bka' drin lhag par che ba rje 'di gter chen brgya rtsa'i gras su'ang bzhugs | gdung rten gser gdung chen mo de bal bod kyi sa mtshams gangs rgyal mo mthon mthing gi ngos ri bo dpal 'bar dgon du bzhugs pa zhig go | |
'brug pa dang si tu rnam gnyis |
3. da rje gang gi 'phrin las kyi rgyun skyong ba'i thugs slob mang po bzhugs pa las ches rang re'i chos bka' la phan thogs che ba ni 'brug pa dang si tu gnyis te de yang snga ma 'brug chen thams cad mkhyen pa bka' brgyud 'phrin las shing rta zhes bya ba'ang paN chen NA ro pa'i sprul par grags shing khong nyid kyis skyes chen dam pa mang po bsten nas rang lugs 'od gsal phyag rgya chen po'i lta grub rgya cher spel zhing khyad par rig 'dzin tshe dbang nor bu'i drung nas zab bka'i rigs spyi dang yang sgos jo nang pa'i chos bka' ches mang po legs gsan gyi sgo nas 'brug pa rang nyid kyis nyams myong thugs bzhes mchog gi ngang nas gdul bya gzhan gang dag la 'chad spel rgya che bas bstan 'gro la legs phan nye bar stsal ba'i 'phrin las kyi mdzad sgo dus su nges par byung ba zhig yin la | phyi ma si tu chos kyi 'byung gnas ni | spyir skyes chen mang pos zab chos rgya che bas rjes su bzung ba khong nyid rig pa'i gnas mtha' dag la mkhyen rgya shin tu che ba khyad par brda sprod kyi bzhung lugs dang | gso ba'i gnas sogs thun mong rig pa'i gzhung lugs la ches nye bar byang chub cing chos dang srid kyi thad gang nas mngon par mtho ba