[A:539] sku thog mnyam pa cig la 'gran zla dang bral ba'i tshod du 'dug pa zhig ste | si tu 'di nyid kyis rig 'dzin tshe dbang nor bu spyi bos bla mar bkur nas spyir na chos bka' mang po dang khyad par jo nang lugs kyi zab chos du ma rnams dang | yang sgos su byin rlabs don brgyud kyi 'pho ba'i zab bka' bcas zab dgu'i gdams ngag skor mang po legs par mnos shing | rje tshe dbang nor bus bal yul mchod rten dpang por bzhag nas sgrol ma rnal 'byor ma'i rgyud gzhung rje btsun rin po che'i phyag mchan yod pa de nyid si tu paN chen gyi dbur bzhag nas tshe dbang pa khong gi zhal nas | si tu nyid la | khyad kyis gzhan stong lta grub dang chos brgyud 'di bzung na nam zhig rim pas 'phrin las cher rgyas dang bstan 'gro la legs phan che ba 'byung nges kyi bka' lung gsal po zhib rgyas su mdzad pa ltar si tu rin po ches kyang de lugs bzhin rang re'i rgyal ba jo nang pa'i bsgrub brgyud nges pa don gyi bstan pa la nyer phan gyi bya ba rang lugs chos bka' ches mang 'dzin skyong spel ba'i thabs la sgo kun nas rlabs chen gyi mdzad sgo mi dman pa legs par bgyis ngos nas sngon byon skyes chen gzhan las si tu rin po che 'di nyid bka' drin mchog gi gnas su nye bar gyur pa'o | |
zur mang tshe dbang kun khyab |
4. si tu paN chen gang gi thugs sras rnams las rang re'i chos brgyud la phan thogs che ba ni sgra rig pa'i gnas kyi bka' babs 'be lo tsA ba zur mang tshe dbang kun khyab ste | de yang zur mang du sku 'khrungs pa nas bzung rim pas chos la zhugs te gtso bor si tu chos kyi 'byung gnas nyid kyis bla ma thams cad kyi nang nas mchog tu legs bkur bcas kyis chos bka' rig gn dngos slob rig gnas kyi bka' babs mang dag las brda sprod gzhung lugs la bka' byer babs kyi thugs sras gcig chog as gang dgos mtha' dag gsan sbyang gis thugs nyams su khong du chud nges byas shing paN chen si tu'i dngos slob rig gnas kyi bka' babs mang dag las brda sprod gzhung lugs la bka' nyer babs kyi thugs sras gcig chog lta bur gyur cing rang gzhan gyi don la yang dag chos kyi thad nas mdzad rlabs kyang che ba tsam du 'dug pas bstan la ris med kyi 'dzin skyong spel ba ci rigs pas bstan rtsa mchog gi go gnas na nges par bzhugs pa yin la | de mtshams bar skabs su dam pa zur mang pa khong nyid kyis jo nang rang lugs kyi dus 'khor sgrub mchod nyer 'dzugs sogs chos 'byung gzhung ltar rang re'i bstan la phan thogs che rab mdzad pa dang | jo nang pa'i dbang lung man ngag gi zab bka' chos mang po'i brgyud srol legs bzung gi sgo nas bka' drin gyi mdzad bzang ches lhag cig nges par yin no | |
dbon sprul dbang rgyal rdo rje |
5 .zur mang pa 'di'i thugs slob dbon sprul dbang rgyal rdo rje'am mtshan gzhan mchog sprul karma nges bstan 'dzin rab rgyas sam gtso cher grags pa'i mtshan tshab tsha sprul sku kar ma pa rin chen