[A:549] dga' mkhas dbang | bstan 'dzin grags pa | dkon mchog dar rgyas kyi bar te | de bdag cag 'dus pa mang po la bka' drin mdzad |
yang bka' 'bum de nyid las bde mchog lU dril lugs gnyis kyi dbang bka'i brgyud rim ni | rang rang gi brgyud yig ltar las rig 'dzin tshe dbang nor bu yan chad spyi ltar dang de nas si tu lo chen nas bzung | 'od gsal 'gyur med kyi bar dpal spungs ltar la | de nas gtsang pa dge slong | chos 'phags | dpal ldan | chos 'byor | mkas dbang | bstan grags | dkon mchog dar rgyas kyi bar te | des bdag lo'o | |
yang bka' 'bum de nyid las dpal bde mchog mkha' 'gro rgya mtsho'i zab dbang gi brgyud rim ni | spyir brgyud pa gong ma dag rang gi dbang chog ltar las | si tu nas karma 'od gsal bar dpal spungs ltar dang | gtsang pa dge slong nas ngag dbang dkon mchog mtshan can gyi bar te | des bdag la gnang | 'di la gzhan 'od gsAl nas | bde mchog rdo rje dang | a mchog sprul sku sogs la brgyud tshul dang | gtsang pa dge slong dang | 'brog dge yon tan rgya mtsho sogs la brgyud tshul dang gnyis yod |
yang bka' 'bum de nyid las | mahAmayA | sangs rgyas thob pa | rdo rje gdan bzhi | sangs rgyas mnyam sbyor | dgyes rdor man ngag lugs rnams dang | NA ro mkha' spyod | phag mo dbu bcad ma | rje btsun ma rNgon pa'i gdams ngag las byung ba | phag mo'i sgrub thabs chung ba gu ru lho phyogs pa'i lugs rnams dang | gsang 'dus mi bskyod rdo rje | gshed dmar lha lnga | gshed nag bcu gsum ma rnams kyi dbang bka' dag gi brgyud rim ni | gong ma'i brgyud pa rnams rang rang gi dkyil chog gi brgyud rim ji lta ba bzhin las | si tu man chad dpal spungs ltar dang | de man gtsang pa dge slong nas | ngag dbang dkon mchog yan chad kyi bar la legs par bzhugs so | |
yang bka' 'bum de nyid las gshin rje'i gshed dang bde mchog rab 'byams zhes grags pa gang dag gi dbang bka'i brgyud rim ni | brgyud khog rang rang gi lugs ltar las | dpal spungs brgyud pa gong ltar dang | gtsang pa dge slong nas | ngag dbang dkon mchog gi bar yang gong bzhin te | des bdag la legs par stsal | 'di la'ang gzhan 'od gsal nas | a rge sprul sku mi pham 'phrin las rab brtan | gsar phyogs blo bzang rgya mtsho | dkon mchog bstan pa'i rgyal mtshan | 'brog dge yon tan rgya mtsho sogs nas rNga yul du brgyud tshul kyang yod |
yang bka' 'bum de nyid las | dpal rdo rje gtum po lha dgu bla med lugs dang | 'jam dpal gsang ldan | thams cad rig pa rnams kyi dbang brgyud ni | spyir na gong rim dag so so'i