[A:551] 'jigs mdzad bcu gsum ma ro langs brgyad bskor gyi dkyil chog kha spo | 'di la rig 'dzin tshe dbang nor bus mdzad pa'i dkyil chog kyang yod | skyo lugs zhes dgu ma la dgra nag zhang lugs sbyar | kho mo brgyad bskor la ro langs brgyad bskor dang | a mo gha'i rgya gzhung gung bsgrig 'jigs byed mal lugs la zhwa dmar spyan snga chos grags kyi sgrub dkyil yod kyang mal lugs bde mchog gi dbang chog sbyar | gshed dmar bcu gsum la dgra nag zhang lugs kyis 'gebs | gshin rje gdong drug 'jigs byed lha dgu'i dbang chog la 'dor len cung zad dgos | bde mchog rab 'byams las dril chung lha lnga la dril bu'i phyi dkyil dang | lus dkyil dbang chog la lA yi dkyil chog gis 'gebs | a bha ya'i 'khrul spong gi lA yi lugs ni byu ti'i rgya gzhung dang sbyar | mai dri bcu gsum ma la nag po'i lugs kyi dkyil chog sbyar | phag mo so bdun ma la nag po'i lugs sbyar | de rnams rtsa rgyud lugs yin | bshad rgyud las byung ba'i zur bka' | sdom 'byung bcu gsum ma la lA nag gnyis lto sbyar ba'i 'dor len dgos | lAwa ba bcu gsum ma lA yi lugs la bshad rgyud kyi dgongs pa'i 'dor len dgos | 'khor los bsgyur drug kyang de dang mtshungs | kho bos byas pa'i dkyil chog zur du yod | 'jam pa'i rdo rje lha nyer lnga pa rje btsun gyis mdzad pa'i sgrub dkyil zur du yod kyang dpe gtan nas ma rnyed | spyir gsar 'gyur yin pas zhi sbas lugs rnams rkang mtshungs kyang rgyun tsam ni lA yi lugs la bshad rgyud kyi dgongs pa'i 'dor len byed drag po chen po nag po'i lugs dang mtshungs | bong zhal can nag po'i dkyil chog la a bhi rda na'i lugs kyis kha bsgyur | phag mo bcu bdun ma lwa ba bcu gsum ma dang 'dra | rdo rje mkha' 'gro nag po'i lugs sbyar | mkha' 'gro rgya mtsho sgrub dkyil zur gsal ltar bya | phag mo so bdun ma la mkha' 'gro rgya mtsho'i dkyil chog sbyar | bde mchog khro bo rdor sems la nag po'i lugs sbyar | phag mo 'byung ba lha nyer gcig pa'ang de dang mtshungs | zhi ba rdor sems so bdun ma 'phreng ba'i lugs kyis 'gebs dgos so | | zhes pa'i gsung gnang nye bar stsal ba ltar rjes sor 'dzam thang gtsang pa'i khang gi rdor slob chos 'byor zhabs pas kyang phyag bzhes de bzhin mdzad nas rgyud sde mang po'i dbang bskur rgyas pa byas shing rje kong sprul la ni rje btsun rin po che'i sprul par grags la khong gis kyang de lugs ltar gyi rang re'i chos rgyun la phan thogs che rab byung ba'i mdzad pa gnang ba ste | kong sprul nyid kyis snga sor rje btsun gyi bka' 'bum las byung ba'i rgyud sde rab 'byams rnam gnyis kyi dbang bka' mtha' dag karma 'od gsal 'gyur med gang drung nas | rgyun mi chad pa stabs bde ba'i tshul du snga mor lan gcig zhus pa dang | slar yang phyis su dam pa gong ma'i phyag srol ma nyams pa ji bzhin gyi sgo nas zhib rgyas su legs zhus mdzad de snga phyir lan gnyis su brtson pa lhur blang gis dbang bskur legs nod mdzad bzhin khong gis 'dzin skyong spel gsum rlabs che ba'ang byas rjes mi dman pa'i bka'