[A:579] tshul dang | de bzhin du bram ze dang dri za sogs rigs sna tshogs pa de rnyed la thabs tshul rang rang dang 'tsham pa'i mdzad sgo de dag dang mthun par ston pa'i sgo nas 'gro mgon de dag gis gdul bya rnams kyi don legs par mdzad pa yin te | mdo sde dag las | rgyal po 'dul ba la rgyal po | dge sbyong 'dul ba la dge sbyong | bram ze 'dul ba la bram ze | dri za 'dul ba la dri za'i gzugs su sprul lo | | zhes sogs rgyas par gsungs pa ltar don la gnas pa'i phyir | tshul de dang mthun par gsang chen sngags rgyud las kyang mdzad pa rlabs chen mnga' ba'i bdag po gang dag gis gang 'dul gyi 'gro don gdul bya gang 'tsham gyi mdzad chen sgo kun nas sangs rgyas dang | grub pa thob pa'i dpa' bo | chos dang dge 'dun gyi gzugs sna tshogs pa dang | gzhan yang ngan 'gro dang bde 'gro'i gzugs du ma dang | de yang pho mo ma ning gi gzugs dang | chags sdang rmongs pa'i rnam pa can dang | brtan pa snod kyi gzugs sogs bzang ngan mi 'dra ba ches mang po dag gi rnam tshul gyi bkod pa mtha' klas pa'i thabs kyis 'gro don mdzad par mi g.yo gtum po'i rgyud las ji skad bka' stsal ba ste | rgyud de nyid las | gang dang gang gis gzugs kyis ni | | sems can gdul bar de nyid 'jug | | deng sang de nyid tshul gyis ni | | 'jig rten don mdzad nga gnas so | | 'ga' zhig sangs rgyas grub thob sprul | | la lar chos dang dge 'dun te | | la lar yi dwags la lar phyugs | | la lar dmyal ba'i gzugs can no | | la lar lha dang lha ma yin | | la lar mi yi gzugs can no | | la lar brtan pa'i gzugs can no | | sna tshogs gzugs can the tshom med | | nga ni skyes pa bud med dang | | ma ning gzugs su la lar ro | | la lar chags can la lar sdang | | la lar rmongs shing la lar gtsang | | la lar mi gtsang gzugs su dang | | sems can gzugs kyis bdag gnas so | | zhes sogs thabs tshul sna tshogs pa'i bkod pa ji bzhin zhib rgyas su nges par gsungs pa'i phyir | de lta bu'i dgongs pa mchog tu nges par son pa gang dag gi mdzad pa rlabs po che ma lus pa 'byung ba'i gnas ni gnas lugs sangs rgyas kun dngos rdo rje 'chang chen po ste | de nyid kyis snyigs ma'i dus rtsod ldan gyi skabs su tshul de dang mthun pa'i sgo nas 'gro don nye bar mdzad pa la yid ches te gus pas bsten na sangs rgyas mchog gi thugs bde chen gyi ye shes ji bzhin mngon du gyur pa'i ngang nas legs par thob pa yin te | indrabhuti'i ye shes grub pa las | sangs rgyas kun dngos bla ma dam pa'i man ngag mdzad par slob ma rang thad nas yon tan ji ltar rdzogs kyang srid pa phra rags las nges par thar mi nus tshul gsungs pa | yon tan thams cad rab rdzogs kyang | | bla ma med par srid mthar min | | zhes pa ltar yin pa de bas na mthu stobs dbang phyug birwa pas kyang | sangs rgyas kun dngos rdo rje 'chang | | rtsod pa'i dus 'dir bdag don du | | kun dang mthun par ston mdzad