[A:585] spyi dpal chos kun gyi de nyid mi bslu bar gor ma chag pa ltar skal ba dang ldan pa gang gis de lugs yid ches na lung rigs dri ma med pa'i 'jug sgo don dam 'gal 'du kun bral gyi gnas bla na med pa'i yin lugs dam pa lags so | |
(6) smon byang dang sbyar byang |
'dir smras pa | rmad byung dge legs rgya mtsho'i dpal gyur pa | | 'khor 'das brtan g.yo'i dwangs bcud srog chen po | | dang po'i sangs rgyas rgyal kun sprul pa'i gzhi | | rang byung ye shes snying po rgyal gyur cig | | gang las rnam par rol pa sgyu ma'i gar | | 'og min zing du longs sku'i mdzad pa che | | nges pa lnga ldan mgon du legs snang ba | | 'khor lo'i dbang phyug rdo rje 'chang chen rgyal | | rigs kyi bdag pos dkyil 'khor bzhengs pa'i gtso | | gsang gsum lha yi 'khor lo'i mdzad chen bdag | | bde stong zung 'jug ye shes rol pa'i sku | | he ru ka dpal yab yum gus pas mchod | | ngo mtshar bkod chen gang de spro ba'i bdag | | shakya seng ge lha mi'i 'dren snying nas dran | | bde gshegs zhal bzang nye bar bzhad pa'i drung | | ngo mtshar sgyu ma'i bkod bzang legs sgo'i dpal | | kun nas nyams myong zab gsang mdzod 'chang ba | | zla bzang rigs sras brgyud bcas gsang chen bdag | | sngags rig zhing nas gsang chen dga' ston char | | kun nas 'phags yul khrod du slar bskyil ba | | 'jam pa'i rdo rje yang gsang 'dren ba'i phul | | brgyud 'dzin lo paN dang bcas gtsug gis bkur | | rab dkar ke la sha yis legs bskor ba | | ma rmad nor 'dzin ljongs 'dir bsod nams zhing | | phul byung ches gsang dga' ston 'gyed pa'i bdag | | sngon byon skyes chen dag la snying nas dad | | khyad par nags rgyal dpal du nges don gyi | | chos char zab mos legs dga' sbyin pa'i gnyen | | jo nang pa zhes thog ma'i 'dren pa rje | | kun spangs kun tu bzang po'i bka' drin dran | | rgyal ba'i dgongs zab nges don snying gi bcud | | snga na med pa'i srol bzang rdzogs ldan dran | | rgyal ba'i dgongs zab nges don snying gi bcud | | snga na med pa'i srol bzang rdzogs ldan lugs | | gangs ri'i ljongs su legs 'byed shing rta che | | spyan ras gzigs dbang rigs ldan sprul pa'i sku | | gang gi thugs sras thu bos rjes bzung ba | | rgyal rong yul nas byon pa'i dka' bzhi'i mtshan | | mdo smad nges don bstan pa'i gzhir gyur pa | | las bzhis bstan 'gro skyong 'di ya mtshan gnas | | rigs ldan bla ma'i rang lugs gsal mdzad mchog | | 'jam dbyangs gzhon nus bshes gnyen tshul bzung ba | | nges don chos tshul 'dzin skyong legs spel mgon | | 'jam mgon bla ma mchog nyid phyag gi yul | | gang de'i brgyud 'dzin las byung chos kyi