[A:587] jo nang chos 'byung gi lhan thabs brgyud rim dpal ldan bla ma gang dag gi mtshan nyid rab tu gsal ba nyi gzhon 'od snang dad pa'i pangmo bzhad byed ces bya ba 'di yang sngar 'phags yul dang bod ljongs su byon pa'i rang re'i brgyud rim gang dag gi lo rgyus cung zad rgyas shing mdo smad khams su byon pa de dag la bsdus tsam las med pa'i chos 'byung rtsa ba lta bu la 'dir mdo khAms phyogs su brgyud 'dzin gtso cher gang byon rnams kyi lo rgyus mgo bar mjug gsum de rgyas pa'i tshigs su bcad pa sogs kyi spros pa bskyungs te go don gnad bsdus kyi rnam par lhan thabs kyi tshul du bshad khul bgyis de ni snga sor ring mo'i dus nas mang dag cig gis bskul ba dang | khyad par bslab gtsang nyams len pa kun dga' brtson 'grus kyis ngal ba khyad bsad kyi don gnyer che bas rtsom gzhi legs 'tshol sogs mthun rkyen cher sgrub mdzad pa dang | yang sgos su rang gi nye gnas rnam par dkar ba la blo rgya rab tu yangs shing dad mos lhag bsam mchog gis rgud mngon par gtams pa can ngag dbang yon tan bzang po zhes pas snying stobs phyogs kun nas nges par bskyed de chos 'byung lhan thabs 'di bsgrig gi skabs khong nyid kyis 'di phyogs sngon byon rang re'i dam pa gong ma rnam thar yod med thams cad kyi lo rgyus phyogs bsdus shig dad pa'i rten du gal nges par che tshul gyi nan bkod dus su slar ldog med par cher brtson dga' spro rgya che bas nyid kyi bla ma mchog gi rnam par thar pa sogs dam pa mang po'i lo rgus zhib tig gis rtsad chod kyang mdzad de nyer bskul bcas kyis dngos rdzas zab gos g.yung ris ma'i chos gos rnam sbyar khyad mtshar can dang mchod rdzas gos yul legs mdzes bkra shis rtags brgyad sogs kyis rten 'brel legs mtshon dang bcas rang gis yi ge legs par 'bri ba'i thugs khur bzhes bzhin rab byung bcu drug pa'i nang tshan (spyi lo 1966) me rta lo'i dbyar zla dang po'i nang zhig nas 'di rtsom pa'i mgo bzung nyin mkha' dbyings su 'ja' sprin sna tshogs pas gang ba'i dge mtshan byung ba nas bzung lo de'i sbyar phyogs dang de'i phyi lo (spyi lo 1967) me lug lo'i dbyar mgo nas dbyar mjug rdzogs pa yan la long skabs gang byung dang bar bar rtsom gzhi ma rnyed pa sogs kyis yun ring 'gyangs pa re yang byung ba ma gtogs de 'phral skabs skabs rnams su 'bri bar byed skabs rang gi nye char ba dad brtson snying stobs legs mnga' brtson 'grus dpal gyis kyang shog las sogs cha rkyen gang dag dgos dus su bsgrubs te tshul de lugs kyi sgo nas dpal ldan jo nang pa'i chos brgyud du skyes pa ma ti kirti zhes pas lug lo'i ston zla tha chung gi tshes nyer gsum rgyal phur 'dzoms pa'i snga dro'i cha la mjug legs rdzogs kyis nye bar sbyar ba 'dis rgyal bstan yun du gnas shing ma lus pa'i yid can gang dag la gnas skabs dang mthar thug gi legs tshogs phyogs thams cad nas yongs su rgyas par gyur cig | dge'o | |
'di bris legs dges | | tshe rabs kun tu | | nges don zab mor | | ji bzhin