[A:72] nas yar 'ong dgos nges kyi bka' nan yang yang phebs te | khong dbus gtsang du phyir phebs so sor gyes nas gtsang pa ngag dbang bstan 'dzin rnam rgyal dbon g.yog bcas khams phyogs su stong khog brgyud nas mar rim gyis phebs pas stong gi khas kar thon tshe lha gnyan g.yu rtse 'khor bcas bsum slebs | khong gis grwa slob rnams la yul lha gzhi bdag rnams dga' spro bcas rang re bsu mar thon gsung | der gtsang pa'i bla brgyud slob 'bangs bcas la rgyun du kha 'dzin dang sdong grogs mdzad pa'i 'phrin las bcol tshe zhal bzhes kyi snang ba gsal po byung | rim par 'ongs te smra la bde mor thon tshe tom tsa bla ma kun dga' bkra shis dang | a skyong mi dbang bstan 'dzin gnyis kyis gtsos mchog dman kun gyis gus 'dud che bas bsu ba dang sna len yang dag mdzad | der zhag bco lnga tsam bzhugs te | rdo rje 'jigs mdzad dang | tshe chog sogs dbang bka' rjes gnang mang du mdzad | rgyu 'bras kyi chos kyang bshad de mi nag pa mang po dad sgor btsud | dge sdig spang blang mdzad pa mang du byung | tom tsa bla mas dgon pa brag dkar mgo phul ming la smra mdo sngags bshad sgrub gling btags | rje bo bstan 'dzin pas a skyong chu nyin ma'i bla ser rnams dang | yang sgos su 'dzi ka'i ta tse yan chad kyi ser sder gtogs tshad grwa rgyun la phul de yul lhas mthun rkyen sgrub pa'i rtags su thugs kyis mkhyen | mi dbang bstan 'dzin gyi mgor khong gis phyag bzhag ste a skyong la chos skyong zhes gsol | mchod yon gnyis kyi 'di phyi'i legs tshogs gong 'phel du 'gro ba'i thugs smon dang shis brjod rgya cher mdzad | jo nang pa'i chos brgyud 'di bzung na yon bdag la dge ba'i lung bstan yang gnang | khong gi gsung las | ya ki rgyab ri 'di la mi dkar dar gyi ral gu gyon zhing g.yag dkar po la zhon pa zhig yod snang yin pa ni srid pa lha yi gtso bo yin las che na'ang yul lha bkra shis dkar 'dzom zhes ming du btags pa yin gsungs | de nyin 'jigs byed dbang gi dus pha ki chu mig nas bud med dkar mo gcig gis khong la nor bu zhig phul ba'i gsal snang byung | de ni klu mi mgon dkar po yin pa 'dra | chu mig de la dkar mo 'bebs dang grong 'di la yar thang zhes rten 'brel bsgrigs pa yin gsungs | de nas rim par 'dzam thang la phebs skabs kyang gzhi bdag thams cad kyis mthun rkyen sgrub pa'i rtags dang bstan 'gro'i don dang sgrub pa'i rgyal mtshan 'dzugs pa'i rtags dang rmi ltas bzang po yang mang du byung |
( spyi lo 1717| rab lo 12.33 ) me mo bya lo'i hor zla dgu pa la dpal 'dzam thang pa'i sprul dbon rnams dang ser sdes bsu ba rgya cher byas te dgon du slebs | chos rje go rgyal bas ( lhun grub grags pa ) khyed byon pa sku drin che bstan pa la thugs rje chung mi nyan | khyed la bzhugs gnas kho bo'i gzims khang 'di 'bul bas khyed 'dir bzhugs | rang gis khang gsar zhig bya chog gsungs nas dbu blar bskos |