[A:87] du gnas bzhin pa 'di ga ltar lags so | |
mjug bsdu ba |
'dir smras pa | bde gshegs mkhyen bzang dgongs mtshor spangs rtogs nor bus rab gtams pa | | brtse chen rlabs phreng ri mo phyogs mtha' kun nas mngon par g.yo | | mdzad 'phrin chu 'dzin 'phyur las zab rgyas gru char legs 'jo bas | | skal bzang gzhi rgyud 'dzin mar rnam byang rkang 'thung bskrun 'di mtshar | | ma lus lus pa med pa'i zhing kun na | | phul byung byung ba'i ngo mtshar mdzad bzang gis | | dge legs legs pas gdul bya'i re skong ba | | ma rmad rmad byung sbyin mdzad sgyu 'phrul sras | | gsang gsum che ba phyogs kyi 'khor lor brgal | | rnam mang 'gro 'di'i yid 'dod bzhin sprul pa | | 'bad rtsol kun bral ngo mtshar byed po'i bdag | | kun bzang cho 'phrul pha mtha' su yis dpog | | e ma gdul bya'i yid kyis gang chub pa | | de de bzhin du mdzad pa nye bar snang | | khams dbang dang 'tsham chos mdzod legs phye ba | | gang 'di rgyal ba'i thabs mkhas mdzad 'phrin lags | | de slad rgyal bas chos tshul gang bstan pa | | thun mong spyi yi mdzad pa'i legs bkod dang | | de mthun 'dzin skyong spel ba bstan rtsa dag | | 'phags bod ljongs su chos kyi snang ba 'gyed | | gang las rgyal ba'i dgongs zab mthar thugs pa | | phyir mi ldog pa nges don dbu ma'i gtam | | thub pa mchog gi thugs kyi bum par gsang | | de phyir 'phags mchog min pas rtogs dka'i gnas | | gsang don rang dbang 'byed pa mi pham mgon | | de las gdams pa legs mnos thogs med mched | | khyad par gangs ljongs nges don srol phye ba | | rton bzhi ldan pa rigs ldan sprul pa'i sku | | kun gi dgongs bcud snying po'i rang lugs mchog | | rgyal ba gnyis pas nags rgyal dpal du 'chad | | de yi phyir na jo nang chen po'i mtshan | | bsil ldan khrod du snyan pa'i grags pa rgyas | | chos mchog gang de'i 'byung khungs las brtsams te | | rgyal ba'i chos tshul spyi tsam gsal byed du | | gong ma'i gsung las 'di na cha tsam bsdus | | rang dang skal mnyam 'ga' yi slad du 'o | | legs cha srid na chos rje yab sras la | | skye kun rjes bzung ched du mchod par bstar | | nyes bshad gang mchis mkhas pa'i spyan ldan gyis | | dri med ji bzhin tshang bar mdzod cig kye | | skye ba 'di nas tshe rabs 'phreng ba ru | | rgyal bstan mchog la rtag par mjal ba dang | | nges don chos lugs 'dzin pa'i skal bzang ldan | | yang dag chos dang nam yang 'bral med shog | | 'di byas las byung rab dkar gang mchis des | | 'gro kun rgyal ba'i bstan pa la brten nas | | zag med chos la spyod pa'i bgo