[A:91] mchod brkod dang rtsom par dam bca' ba |
phul byung kun gzigs rnam 'dren bzhi pa'i gtso | | skal bzang sgron me stong las ches 'phags pa'i | | rlabs chen thugs bskyed pad dkar 'dzum pa'i gnyen | | zla med bstan pa'i bdag pos dge legs stsal | |
gang gi dgongs zab nges don dbu ma che | | ji bzhin gsal mdzad rgyal tshab mi pham mgon | | de yi dgongs bzhed mthar thug legs 'byed pa'i | | gangs ljongs nges don bstan pa'i mnga' bdag rje | | rton pa bzhi ldan chos rje yab sras dang | | zab gsang bstan pa'i rgyan gcig sgrol ba'i mgon | | nges don sgrub pa'i brgyud 'dzin gser ri'i 'phreng | | rim byon byin rlabs man ngag gsang ba'i mdzad | | bum pa gang byos tshul du 'phos pa yi | | gdams zab thugs kyi bcud du legs bskyil ba | | brgyud ldan bka' drin gsum ldan rdo rje 'dzin | | de dag kun gyi zhabs pad btsug gis bsten | |
dpal ldan nags rgyal jo nang chen po'i lugs | | chos 'byung gzhung gi kha bskangs lhan thabs su | | dkyus su ma 'dus pa dag slar bsdus tshul | | rab gsal ngag gis 'di na dbye bar bya | |
le'u dang po | dpal ldan jo nang pa'i rang lugs kyi byung ba spyir brjod pa |
de la 'dir dpal ldan jo nang pa'i rang lugs kyi chos 'byung rgyal ba'i chos tshul gsal byed zla ba'i sgron me zhes bya ba'i gzhung gi kha skong lhan thabs kyi tshul dkyus su ma 'dus pa'i gal che ba'i cha gang dag slar yang legs bsdu'i sgo nas brjod par bya ba ste |