[A:377]ལོ་བཅུ་གསུམ་གྱི་བར་དུ་རྗེ་བཙུན་དམ་པ་དེ་ཉིད་ཀྱི་ཞབས་རྡུལ་སྤྱི་བོར་བླངས་པས། གཞན་གྱིས་འཕྲོག་པར་མི་ནུས་པའི་དད་པ་རྒྱ་མཚོའི་དབུས་ན་གནས་པ། ཡུལ་དབུས་ཀྱི་དབུ་རུ་བྱང་ཕྱོགས་ཀྱི་རྒྱུད་དུ་བྱུང་བའི་ཐོས་པ་འཛིན་པ། དཔལ་ཤཱཀྱ་མཆོག་ལྡན་དྲི་མེད་ལེགས་པའི་བློས། རྒྱལ་བ་ཅེས་པའི་ཤིང་ཕོ་རྟའི་ལོ། སྨིན་དྲུག་གི་ཉ་གང་བའི་ཡར་ངོའི་ཚེས་བཅུ་ལ་མངའ་རིས་སྨད་ཀྱི་སའི་ཐིག་ལེ། ཐུབ་བསྟན་དར་རྒྱས་གླིང་གི་གཙུག་ལག་ཁང་ཆེན་པོར་ལེགས་པར་གྲུབ་པའི་ཡི་གེ་པ་ནི། རྐོང་སྟོན་མགོན་པོ་རྒྱལ་མཚན་ནོ༎
འདི་ཡང་ས་སྐྱོང་བཀྲ་ཤིས་མགོན༎
མཆེད་དང་བཅས་པའི་འབྱོར་པ་ཡི༎
ཡོངས་འདུའི་དཔག་བསམ་ཤིང་གི་ནི༎
གྲིབ་བསིལ་ཡིད་འོངས་ལ་འཁོད་ནས༎
འཆད་རྩོད་རྩོམ་པའི་ཟླ་དཀར་གྱི༎
རྡོ་ལེན་ཁྲི་ལ་འདུག་བཞིན་དུ༎
རྣམ་ཐར་དད་པའི་རོལ་མཚོ་ཡི༎
བཀའ་བསྡུ་གསུམ་པ་འདི་བྱས་སོ༎
མངྒ་ལཾ། བྷ་ཝནྟུ། ཤུབྷཾ༎ ༎